Donostia Saria jasoko du gaur Hugh Jackman aktoreak
Donostian, begirada guztiak Hugh Jackmanengan jarrita daude. Aktore australiarrak Zinemaldiak aurten eman duen bigarren Donostia Saria jasoko du, ostiral gauean, egindako ibilbide profesionalari esker. Horrez gain, Jackmanek Prisioners azken lana ere aurkeztuko du. eitb.com-ek zuzenean eskainiko du aktoreak golardoa jasoko duen gala, 18:30ean.
Gaur, beraz, Jackman izango da Donostiako izar distiratsuena. Gaueko 0:15etan iritsi zen Gipuzkoako hiriburura, alkandora urdin bat eta praka beltzak jantzita.
200 bat jarraitzailek harrera egin zioten Jackmani. Jarraitzaileak agurtzeaz gain, hedabideekin solasaldian aritu zen, nahiz eta Donostira berandu iritsi.
Hugh Jackmanek adin guztietako ikusleengana iristeko eta hain pertsonaia desberdinetara egokitzeko duen gaitasuna txalotu du Zinemaldiak. Gainera, "pantailan eta agertokietan lortu duen arrakasta" ere kontuan izan dute antolatzaileek.
Oscar sarietarako hautagai izan da eta Urrezko Globo bat eta Tony sari bat jaso ditu, baina lehen paper garrantzitsua X-Men pelikulan eman zioten, Wolverine gorpuzteko esan ziotenean. Ordutik, sagaren beste sei pelikula egin ditu.
Hala eta guztiz ere, Jackmanen ibilbidea saga hori baino askoz harago doa; izan ere, Les Miserables klasikoaren egokitzapenean parte hartu zuen iazko udazkenean, Tom Hooperren zuzendaritzapean eta Anne Hathaway eta Russell Crowe aktoreak lagun zituela.
Jean Valjean gorpuztuta egindako lanagatik Urrezko Globo bat lortu zuen eta Aktoreen Sindikatuko sarietarako bi hautagaitza jaso zituen. Gainera, aktore onenaren Oscar saria jasotzeko hautagai ere izan.
Hainbat zuzendarirekin egin du lan Hugh Jackmanek: Shawn Levy (Real Steel), Baz Luhrmann (Australia), Christopher Nolan (The Prestige), Darren Aronofsky (The fountain) eta Woody Allen (Scoop).
Antzokietan ere arrakasta handia eskuratu du aktoreak: 2011n Broadwayko publikoa harrituta utzi zuen Hugh Jackman-Back bakarkako ikuskizunarekin. 18 musikarirekin agertzen zen agertoki gainean.
Broadwayko agertokietan egindako lanari esker, 2012ko Tony Sarietan Administrazio-Batzordeak golardo berezia eman zion.
Aktore honen gaitasunak Happy Feet eta Flushed Away animaziozko filmetan ahotsa jartzeko ere balio izan dio. Gainera, 2009ko Oscar Sarietako aurkezlea izan zen.
Horrela, Zinemaldiak ibilbidea Australiako Paperback hero eta Erskineville Kings pelikula independeteekin hasi zuen gaitasun handiko aktorea saritu du aurten.
Hugh Jackmani Donostia Saria eman eta gero, Prisoners (horren azken filma) izango da ikusgai Kursaalen. Denis Villeneuvek zuzendu du, eta Jake Gyllenhaal (Brokeback Mountain), Viola Davis (The Help, Doubt), Maria Bello, Terrence Help (Hustle & Flow), Melissa Leo (The Fighter) eta Paul Dano izan ditu lagun protagonista lanetan.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.