Antzezlan, liburu eta filmetarako beherapen txartelak aurkeztu dituzte
Joxean Muñoz Eusko Jaurlaritzako Kultura, Gazteria eta Kirol sailburuordeak Kultura Helburu programa aurkeztu du gaur, Bilbon. Berorren bidez, herritarrek Euskadiko 54 antzoki, 16 zinema areto eta 67 liburu dendatan hainbat sormen gai deskontuekin eskuratzeko aukera izango dute.
Sektore bakoitzak (arte eszenikoak, zinema, literatura eta zuzeneko musika) diseinatu du bere promozio kanpaina “hemengo sorkuntzaz goza dezaten, herritarrak erakartzea eta gonbidatzea” helburu hartuta.
Eusko Jaurlaritzak 200.000 euro ipiniko ditu pizgarri ekonomiko gisa 50.000 euro sektore bakoitzerako, Muñozek azaldu duenez: “Eusko Jaurlaritzari eta erakundeei dagokigu herri honetako kultura ekoizpena laguntzea eta bultzatzea. Bereziki, ekoizpenak eta publikoak bat egiten duten une hori laguntzeko politikak egin behar dira”, esan du.
Kanpainak
Zatoz Antzokira kanpainak beherapen txartel bat eskainiko du. Hiru emanalditara joanez gero, laugarrena doakoa izango da (gonbidapenak gehienez 12 euroko balioa izango du), eta 54 antzokitan erabiltzeko aukera izango da.
Bidaiariak Zinera kanpainak, berriz, euskarazko filmak, euskal produkzioak eta pelikula europarrak sustatuko ditu. Ikusleek 2 euroko beherapena izango dute promozioaren barne dauden filmetan.
Liburu Txartela kanpainak euskal literatura, euskal idazleak eta euskal argitaletxeen lanak bultzatzea du xede. Txartelarekin, Euskal Herriko idazleek euskal argitaletxeetan argitaraturiko euskarazko eta gaztelerazko liburuak beherapenarekin erosteko aukera izango da: 30 euroko erosketa eginez gero, 12 euroko balioa duen liburu txartela eskuratuko du erosleak, kanpainarekin bat egin duten saltokietan hurrengo erosketan erabili ahal izateko.
Azaroaren 9tik abenduaren 9ra arte iraungo du azken honek.
Zuzeneko kontzertuetarako kanpaina martxan da dagoeneko.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.