Euskal film laburren lagin bat erakutsiko dute ostiralean, Sopelan
Urtarrilaren 19an, ostiralean, Sopelako Kurtzio Kultur Etxeak euskal egileen lau film labur eskainiko ditu, Laburrean topaketaren laugarren edizioan: Areka (Atxur Animazio Taldea), Zulo (Amancay Gaztañaga eta Erika Olaizola), Nuestro viejo (y el mar) (Lander Camarero) eta Zacarías (Violeta Trincado).
Gainera, 20:00etan hasiko den emanaldiaren ostean, mahai ingurua egingo dute antolatzaileek film laburrotako lantaldeko kideekin, Amaia Kaiero ETBko kazetaria (“Ahoz Aho”) gidari dela.
“Areka” (Euskal Zinemaren Sari Handia, Zinebin) memoria historikoari buruzko lana da, eta Euxebiren istorioa kontatzen du: aitaren hobia irekiko du, urte askoko bilaketaren ostean, eta argazki bat utziko du haren hezurren ondoan.
“Zulo” filmak euskal zuzendari onenaren saria irabazi zuen Zinebi film laburren Bilboko jaialdian, eta Zulo pertsonaia hurbiltzen dio ikusleari. Bere bizitzako emakumea izan denarekin eta denarekin izandako lehen topaketaren ametsak eskutik eramango du, noraezean, bere oroitzapenetara.
“Nuestro viejo (y el mar)” lanean, bi anaiak bidaia luze bat egingo dute belaontzian, aitaren errautsak haizeztatzeko.
Azkenik, “Zacarías”ek eskale bat, trajedun gizon bat eta taxi gidari bat batuko dituen zirkulazio istripu baten ingurukoak kontatzen ditu.
Zure interesekoa izan daiteke
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.
"I lit the Fire!" Valeria Lemesevskayaren filma izan da Punto de Vista jaialdiko lanik onena
Epaimahaiak bielorrusiar zuzendariaren dokumentala aukeratu du Nafarroako Zinema Dokumentalaren Jaialdiko Sail Ofizialeko film luze onentzat. Film labur onenaren saria, EITBk babestutako golardoa, 3cm of Complexity Anna Vasofen filmari eman diote.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Amets Hautsien zumardia Zornotzan dago
Boulevard pelikula ikusten ari zarela, oso sentsazio arraroa sumatzen duzu zure baitan. Pertsonaiek izen arrotzak dituzte: Hasley Weigel, Luke Howland, Ligé Neizan, Zev… Ez dute, baina, anglo-saxoi itxurarik, ibilerarik, aurpegierarik, gorpuzkerarik.
Elena Irureta aktoreari aitortza eginez hasi dute Silver Film Festival jaialdia Bilbon
Maitasuna eta Sexua (adingabea) lelopean, 60 urtetik gorako pertsonak oinarri dituen Silver Film Festival jaialdiari hasiera eman diote astelehen honetan, Bilbon. Apirilaren 24ra bitartean, hainbat jarduera hartuko ditu ekimenak eta, gaur, Elena Irureta aktoreari EITB Silver saria eman diote.