Oscarrak, jabe bila
"1917" teknikoki bikaina, "Joker" eta Joaquin Phoenixek bertan egiten duen paper harrigarria, "The Irishman" usain klasikoko pelikula, Tarantino eta 60ko eta 70eko hamarkadetako Hollywoodeko bere erretratu nostalgiko baina berritzailea, "Parasite" maisulan ilun, politiko eta, halere, irrigarria…
Zinemazaleek azken hiletan hizpide izan dituzten film, zuzendari, gidoilari, aktore eta teknikariak nor baino nor gehiago lehiatuko dira Euskal Herrian astelehen goizaldean, 02:00etan, hasiko den Oscar sarien galan, Los Angelesen.
Ohi bezala, Dolby antzokiak hartuko du AEBko zinemaren urteko gaurik garrantzitsuena. Iaz bezala, ez da zeremonia maisurik izango, eta gonbidatuak sailez sail agertuko dira 24 sariak ematera: Óscar Isaac, Jane Fonda, Tom Hanks, Natalie Portman, Chris Rock, Taika Waititi, Mahershala Ali, Utkarsh Ambudkar, Timothée Chalamet, Olivia Colman, Penélope Cruz, Gal Gadot, Salma Hayek, Diane Keaton, Shia LaBeouf, Spike Lee, Keanu Reeves, Sigourney Weaver…
Gainera, musikari dagokionez, Billie Eilish, Elton John eta Cynthia Erivo arituko dira, besteak beste, zuzenean 225 herrialdetan jarraituko duten galan.
Izendapen gehien, “Joker”ek
"Joker" Todd Phillipsen filmak bildu ditu izendapen gehien, 11. Haren atzetik daude, hamarna izendapenekin, "The Irishman", "1917" eta "Once upon a time... in Hollywood".
Pelikula onenerako izendatuta daude “Ford vs Ferrari”, “The Irishman”, “Jojo Rabbit”, “Joker”, “Little women”, “Marriage story”, “1917”, “Once upon a time… in Hollywood” eta “Parasite”.
Horiez gain, hauek dira kategoria nagusietan izendatutakoak:
Zuzendari onena: Martin Scorsese ("The Irishman"), Quentin Tarantino ("Once upon a time... in Hollywood"), Bong Joon-ho ("Parasite"), Sam Mendes ("1917") eta Todd Phillips ("Joker").
Emakumezko aktore onena: Renee Zellweger ("Judy"), Charlize Theron ("Bombshell"), Scarlett Johansson ("Marriage story"), Saoirse Ronan ("Little women") eta Cynthia Erivo ("Harriet").
Gizonezko aktore onena: Joaquin Phoenix ("Joker"), Adam Driver ("Marriage story"), Leonardo DiCaprio ("Once upon a time... in Hollywood"), Antonio Banderas ("Dolor y gloria") eta Jonathan Pryce ("The two popes").
Bigarren mailako emakumezko aktore onena: Laura Dern ("Marriage story"), Margot Robbie ("Bombshell"), Florence Pugh ("Little women"), Scarlett Johansson ("Jojo Rabbit") eta Kathy Bates ("Richard Jewell").
Bigarren mailako gizonezko aktore onena: Brad Pitt ("Once upon a time... in Hollywood"), Al Pacino ("The Irishman"), Joe Pesci ("The Irishman"), Tom Hanks ("A beautiful day in the neighborhood") eta Anthony Hopkins ("The two popes").
Nazioarteko film onena: "Corpus Christi" (Polonia), "Honeyland" (Ipar Mazedonia), "Les miserables" (Frantzia), "Dolor y gloria" (Espainia) eta "Parasite" (Hego Korea).
Zure interesekoa izan daiteke
"One Battle After Another" eta "Adolescence" nagusi, Urrezko Globoetan
Paul Thomas Anderson zuzendariaren filmak bete egin ditu aurreikuspenak; bederatzi izendapen zituen, eta lau sari jaso ditu. Serieen artean Adolescence izan da sarituena, lau bereganatuta.
'Gaua' filmeko jantziak herritarren eskura jarri dituzte ikusgai
Errenteriako Jantzien Zentroak Paul Urkijoren azken pelikulan erabili diren hainbat jantziren erakusketa antolatu du. XVII. mendean Euskal Herrian erabiltzen ziren jantzien erreplikak dira eta aberatsen eta herri xumearen artean zegoen aldea modu nabarmenean erakusten dute. Martxoaren 22a arte ikusgai egongo dira.
“Los domingos” eta “Maspalomas”, iaz gehien ikusitako pelikulen artean
EZAE Euskadiko Zine Aretoen Elkarteak 2025eko datuak bildu ditu; % 6 jaitsi da ikusle kopurua elkartera bildutako zinema aretoetan, 2024ko datuekin alderatuta.
"El mal", EITBren partaidetza duen Bajo Ulloaren thriller berria, urtarrilaren 16an estreinatuko da
Gasteizen filmatua, Juanma Bajo Ulloaren azken filmak ikuslea eta gaizkia aurrez aurre jartzen ditu. Thrillerraren protagonistak Martin, damurik gabeko hiltzailea, eta Elvira, Martini buruzko liburu batekin arrakasta lortu nahi duen kazetaria dira.
Gizatasunaz, naturaz eta etorkizunaz jardungo dira Zinema eta Zientzia zikloan
Planet of the Apes filmak irekiko du zikloa Gasteizen (urtarrilak 7), Iruñean (urtarrilak 8), Donostian (urtarrilak 9) eta Bilbon (urtarrilak 10), gaztelaniazko azpidatziekin. Film batzuk Donibane Lohizunen ere proiektatuko dira, ohi bezala.
Brigitte Bardoti agur jendetsua, Frantziako Saint-Tropez herrian
Brigitte Bardoten hilkutxa 11:20an sartu da Jasokundeko Andre Mariaren elizan, eta zeremonia pribatu eta xumea egin diote. Hileta-elizkizunean 400 gonbidatu baino ez dira izan, batez ere Brigitte Bardot Fundazioko kideak eta haren gertukoak. Hala ere, zuzenean transmititu da, Saint-Tropezen jarri diren hainbat pantaila erraldoitan.
Eta Erregeak Trintxerpen sartu ziren
Euskal Herrirako bidean zeudela, geraldia egin berri dute Errege Magoek itsaso aurrean, Pasai San Pedrotik horren hurbil dagoen Trintxerpen. Vitrine Films izeneko zinema banaketa etxearen egoitza dago han.
Brigitte Bardot aktore frantziarra hil da, 91 urte zituela
Aktore eta abeslaria Frantziako zinemaren ikonoa eta 1950eko eta 1960ko hamarkadetako ikur erotikoa izan zen.
“Salitre” Nagore Aranburu protagonista duen pelikula filmatzen bukatu dute
Norma Vila bilbotarraren lehen film luzea “ama-alaba batzuen arteko harremanaren kontakizun makurra da, drama intimoaren eta beldur psikologiko eta fisikoaren artean mugitzen dena”.
Honelakoa da "Aro berria", zinemetan ikusgai den Irati Gorostidiren filma
Aro berria EITBren parte-hartzea duen filma bigarren astea egiten ari da zinema aretoetan; Irati Gorostidiren filma Gasteizen, Bilbon, Bermeon, Galdakaon, Donostian, Errenterian, Irunen, Altsasun eta Iruñean dago ikusgai. Donostiako Zinemaldiko New Directors sailean aipamen berezia jaso zuen filmaren sekuentzia bat aurreratzen dizugu Orainen, primizian.