David Perez Sañudoren 'Ane', ustekabe ona zuzendari berrien sailean
Pertsonaia protagonista handi bati eta Patricia Lopez Arnaizen interpretazio bikainari esker New Directores sailaren ustekabea bilakatu da David Perez Sañudoren lehen film luzea, Ane. Donostiako Zinemaldian aurkeztu duten pelikula honen istorio txiki hau Euskal Herrian gertatzen da, baina beste edozein tokitan jazotzen diren gauza handiaz hitz egiteko balio dezake.
Bilboko zinegileak bi lan ditu Zinemaldi honetan: Ane, zuzendari berrien sailean, eta Alardea, asteazkenean Victoria Eugenia antzokian, EiTB Galaren barruan, estreinatuko den fikziozko telesaila. Udazkenean EiTBko pantailetan egongo da ikusgai.
2009an gertatzen da pelikula, gehiengoa abiadura handiko trenaren kontra dagoen herri batean. Lide (Lopez Arnaiz), emakume lotsagabe batek obretan lan egiten du, eta Ane alabarekin bizi da. Eztabaida handi baten ostena, desagertu egingo da alaba.
Senar ohiaren laguntzarekin, alabaren bila hasiko da, eta horrek agertoki berri bat irekiko dio Lideri. Ezagutzen ez zituen bere alabaren inguruko gauza berri asko ezagutuko ditu, baita bere buruari buruzkoak ere.
"Lehen film luze bati ekiten diozunean, automugatze ariketa ba dago, gauza burugabeak ez egiteko. Hurbileko zerbait bilatuta, azkenean zerbait egiazkoagoa eta sinesgarriagoa aurkitzen duzu", azaldu dio Perez Sañudok EFEri.
Zuzentzeaz eta Amania Films izena jarri dioten lagun talde batekin ekoizteaz gain, gidoia ere idatzi du Marina Pares Pulidorekin batera.
Bi gidoilariak "eroso" egon dira Lide bezalako pertsonaia mota batekin, "lotsa eta iragazkirik gabe". Aktore protagonistari ere hasieratik iruditu zitzaion emakume "berezia, orijinala eta desberdina".
Protagonista "askea, emozionalki oso independentea eta bestearen begirada bost axola zaion emakumea" izatea erakarri zion Lopez Arnaizi. "Baina oso konplexua da, eta alabaren bila hasiko duen bidaiak bere burua ezagutzeko ere balioko dio", esan du aktoreak.
"Patricia talentu eta naturaltasun handia dauka, baina gainera oso langilea da, oso arduratsua. Oso pozik nago familiako hiru aktoreekin, hobetu naute eta", esan du zuzendariak.
Tokiko istorioa, baina unibertsala
Abiadura handiko trenaren aurkako protestak ere pelikulak ikusiko dira. Perez Sañudo trenbide batek bi zatitan banatzen duen auzo batean bizi da –“buelta handia eman behar da beste aldera pasatzeko”-, eta gertakari horiek “indar sinboliko handia” dutela uste du.
"Bitxia da komunikatzeko balio duen obra zibil batek aldi berean bi mutur banatzea. Aurrerapenaren ideia ez dugu inoiz zalantzan jarriko", gehitu du zinemagileak. Madrilgo M-30 errepidea ere aipatu du: "Vallecas eta Salamancako auzoak banatzen dituen euste-horma da".
Desobedientzia zibilaren ikuspuntuak, gainera, "pisu, garrantzia eta arrisku handiagoa ematen dizkio Anek egiten duenari". Hori edozein tokitan gertatu liteke.
"Aurrerapen ideia horri kritika egiten diot. Zergatik egin behar da horrela eta ez beste modu batean?", galdetu du.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.