Viggo Mortensenek gaur jasoko du Zinemaldiaren Donostia Saria
Viggo Mortensen aktore eta zinemagileak jasoko du Donostia saria Zinemaldiaren 68. edizioan, bere ibilbidearen aitorpen gisa. Izar estatubatuarrak Falling filma aurkeztuko du, lehen lana zuzendari gisa. Horrez gain, Hil Kanpaiak filma ikusi ahalko da lehenengoz; Imanol Rayo zuzendari nafarraren bigarren lana, Eneko Sagardoy durangarra du protagonista eta EiTBk babestutako filma da.
68. Zinemaldiak bere bidearen erdia egin du jada, eta gaur Donostia sariaren txanda iritsi da. 18:00etan hasiko da sari-ematea gala Kursaalen jauregian. Witness pelikulan lehen aldiz agertu eta gero, hirurogei fimetan baino gehiagotan parte hartu du Viggo Mortensen-ek (Watertown, New York. 1958), tartean, Carlito’s Way, The Lord of the Rings trilogian, A History of Violence, Zinemaldia inauguratu zuen Eastern Promises, Captain Fantastic edo Green Book filmetan, besteak beste. Azken hiru lan hauengatik Aktore Onenaren Oscar saria jasotzeko izendatu zuten.
Falling Sundance jaialdian estreinatu zen. Lance Henriksen eta Mortensen bera dira filmeko protagonistak, eta aita-semeak dira bertan.
Hil Kanpaiak eta Pablo Ibarri buruzko lana
Donostia sariaz gain, badira bestelako kontuak gaur Zinemaldian, esaterako, EiTBk babestutako Hil Kanpaiak pelikularen estreinaldia. Goya sariaren irabazlea den Eneko Sagardoy du protagonista, eta euskaraz grabatuta dago. Itziar Ituño eta Yon Gonzalez aktoreek ere paper garrantzitsua dute film horretan, eta Kandido Uranga, Asier Hernandez, Iñigo Aranburu, Josean Bengoetxea, Dorleta Urretabizkaia eta Itsaso Arana aktoreak ere ikusiko ditugu bertan.
Nafarroako eta Gipuzkoako hainbat herritan egin ziren grabaketak aurreko udazkenean, eta muntatze lanak, berriz, konfinamendu garaian egin dira. Miren Gorrotxategiren 33 izkin eleberrian oinarritutako lana da, eta Joanes Urkixo arduratu da gidoia egokitzeaz. Garizmendi baserriko Fermin baratzean lanean ari dela, garezur bat aurkituko du. Harrituta, Nestor semeari kontatuko dio, eta honek, berriz, Ertzaintzari emango dio abisua. Heltzen direnerako, baina, ez dute garezurrik aurkituko.
Bestalde, lehiaketaz kanpo, baina Zinemiraren baitan, El estado contra Pablo Ibar dokumentala ikusi ahalko da. Olmo Figueredok sinatutako sei kapituluko telesail-dokumentala da, Pablo Ibar presoaren gorabeherak kontatzen dituena.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.