Euskarazko ikus-entzunezkoen aldeko manifestua aurkeztu du Pantailak Euskaraz ekimenak
Pantailak Euskaraz ekimenak euskarazko ikus-entzunezkoen aldeko manifestua aurkeztu du larunbat honetan, Durangoko Azokaren testuinguruan eskainitako prentsaurreko batean, Irudienea espazioan. Ikus-entzunezkoen arloko eta euskalgintzaren munduko 35 eragileren babesa izan du adierazpenak.
Izaskun Rekalde Netflix Euskaraz plataformako ordezkariak eta Alex Aginagalde Disney Plus Euskaraz taldeko ordezkariak aurkeztu dute testua. Iñigo Arandia eta Ibon Iza ere bertan izan dira, Tinko Euskara Elkartearen eta Zinemak Euskaraz ekimenaren ordezkari, hurrenez hurren. Gainera, aipamen berezia egin diete bidelagun izan dituzten Bikoiztaile Euskaldunen Elkarteari eta Game Erauntsia elkarteari.
2021eko ekainean sortu zen Pantailak Euskaraz mugimendua, euskarak ikus-entzunezkoetan duen "presentzia eskasarekin" eta "egoera larriarekin" kezkatuta zeuden hainbat herri ekimen eta eragilek bat eginda. Egoera hori "irauli eta euskarazko etorkizun baten aldeko ekarpena" egitea dute helburu.
Halaber, Aginagaldek adierazi duenez, euren proposamenen xede dira "euskararen normalizazioan pauso sendoak ematea, euskarazko ikus-entzunezkoen produkzioa sustatu eta hedatzea, kalitatezko bikoizketa eta azpidatziak indartzea, eta euskarazko kultura eta ikus-entzunezkoen kontsumoa sustatzea".
Horretarako, hamar proposamen jasotzen dituen manifestu bat garatu eta aurkeztu dute. Rekalderen esanetan, bertan jasotzen diren neurriak "estrategikoak dira, gure hizkuntzarentzat eta gure herriarentzat".
Hasteko, euskarazko ikus-entzunezkoen sektoreko "finantzaketa publikoa handitzea" nahi dute ekimenaren eragileek. Zentzu horretan, EITB indartzeko eskaera egin dute, "euskararen normalkuntzarako tresna bihurtu dadin".
Halaber, euskarazko streaming plataforma "sendo" bat sortzeko proposamena ere mahaigaineratu dute. Horrekin lotuta, streaming bidezko plataformetan euskararen presentzia legez bermatzeko eskatu dute, baita zinemaren lege propioak sortzeko ere.
Bideojokoetan eta sortzaile plataformetan, berriz, "euskararen presentzia bermatu eta sustatzea" da Pantailak Euskaraz Ekimenaren eskaera.
Gainera, ikus-entzunezkoen "lege propioak" sortzea nahi dute, baita ikus-entzunezkoen kontseilu propioa ere, lurralde-administrazio bakoitzean. Era berean, espainiar eta frantziar kate publikoen euskarazko edukien eskaintza aldarrikatu dute, eta koordinazio-organoaren sorrera, hiru lurralde-administrazioetako ordezkariz osatua.
Manifestuak askotariko eragileen babesa eta atxikimendua jaso ditu: AEK Alfabetatze Euskalduntze Koordinakundea, APIKA ikus-entzunezko produktoreen elkartea, Bertsozale Elkartea, BIEUSE Bikoiztaile Euskaldunen Elkartea, Bilboko Kafe Antzokia, Dianey + Euskaraz ekimena, EBI Elizbarrutiko Ikastetxeak, EHBE Euskal Herriko Bikoizleen Elkartea, EIZIE Euskal Itzultzaile, Zuzentzaile eta Interpreteen Elkartea, Ene Kantak taldea, Euskal Encodings ekimena, EHE Euskal Herrian Euskaraz, Euskal Konfederazioa, EPE/APV Euskal Produktoreen Elkartea, Game Erauntsia elkartea, Hekimen euskal hedabideen elkartea, IBAIA ikus-entzunezkoen euskal ekoizle burujabeen elkartea, Ikastolen Elkartea, Izarkom Euskal Herriko telekomunikazio operadore kooperatiboa, Kantu Kolore taldea, Katxiporreta elkartea, Euskalgintzaren Kontseilua, Kristau Eskola, Lanartea euskararen langile profesionalen elkartea, Napar ikus-entzunezkoen ekoizpen naparra, Netflix Euskaraz ekimena, Sortzen eskola publiko berriaren aldeko elkartea, Tinko Euskara elkartea, Euskaltzaleen Topagunea, 3000TWITZ ekimena, UEMA Udalerri euskaldunen mankomunitatea, UEU Udako Euskal Unibertsitatea, Zinea.eus ataria, Zinemak Euskaraz ekimena eta Zukugailua elkartea.
Albiste gehiago zinema
Horrelakoa da "Decorado", Uniko Bilboko estudioaren film berria
Alberto Vazquezek zuzendutako animaziozko film luzea Fantastic fest jaialdian estreinatuko dute irailean, AEBetan, eta urrian Sitgeseko zinema jaialdian lehiatuko da.
Jim Jarmuschek irabazi du Veneziako Urrezko Lehoia, 'Father Mother Sister Brother' filmarekin
The voice of Hind Rajab filmak, Israelen eraso batean sei urteko neskato palestinar baten heriotza kontatzen duenak, Zilarrezko Lehoia eskuratu du Veneziako 82. Zinemaldian, epaimahaiak zuzendari onenari ematen dion saria.
Donostiako Zinemaldiak "Netanyahuren gobernua gauzatzen ari den sarraski ikaragarriak" arbuiatu ditu
Ruth Perez de Anucita Zinemaldiko Komunikazio arduradunak "Gazako genozidioari buruz" manifestua irakurri du gaur, Zinemaldiaren 73. edizioaren aurkezpen ekitaldian.
Juliette Binoche, Matt Dillon, Colin Farrell, Richard Linklater eta Renate Reinsve Zinemaldira etorriko dira
J. A. Bayona kataluniar zuzendaria izango da Sail Ofizialeko epaimahaiaren burua. Paul Dano, Maria de Medeiros, Erward Berger, Claire Denis, Agnieszka Holland eta Ron Perlman ere etorriko dira Donostiara, besteak beste, Esther García eta Jennifer Lawrence Donostia saridunez gain.
Ikusi “Hombre bala” Mikel Erentxuni buruzko dokumentalaren trailerra
Anuska Ariztimuñok zuzendu duen pelikula Zinemaldian estreinatuko dute, eta donostiar musikariaren “alderik humanoena, arrakasta goiztiarra, artista moduan lupetzatik egindako zeharkaldia eta senide eta lagunekiko harremana” erakusten du.
Euskal zinemako lau film ertain historiko eta Stanley Kubricken zein Manoel de Oliveiraren lanak, Klasikoak sailean
Zinema unibertsalaren historiako klasiko zahar eta modernoak berreskuratzen dituen atalak Ehun metro, Hamaseigarrenean aidanez, Zergatik panpox eta Oraingoz izen gabe euskal klasikoen bertsio zaharberrituak aurkeztuko ditu, besteak beste.
Mirentxu Loyarte zinemagilea zendu da
Iruindar zinemagileak “Irrintzi” filma zuzendu zuen 1978an. Iratxe Fresneda zuzendariak haren lana arakatu zuen Irrintziaren oihartzunak 2016ko pelikulan.
EITBk Zinemaldiari emandako babesa berritu du, euskal ekoizpenek presentziarik handiena duten urtean
25 lanek dute EITBren parte-hartzea, tartean, Sail Ofizialean proiektatuko diren euskarazko hirurek: Maspalomas eta Karmele filmek eta Zeru ahoak serieak. Euskal zinemaren presentzia historikoa izango da Zinemaldiaren 73. edizioan.
Esku baten historia
Iban Toledo eta Oroitz Zabala Eraukon, Eskuaren mintzoa Irulegiko Eskuari buruzko dokumentala filmatzen ari dira, eta azaroan bukatu nahi dute urtebeteko lana. Lanak EITBren parte-hartzea du.
Animadebak 18. urtebetetzea ospatuko du irailaren 3tik 6ra
Nazioarteko film laburren lehiaketa eta haur zein helduentzako film luzeak egongo dira, baita kontzertuak ere, adin nagusitasuna ospatzeko. Michaël Dudok de Witt herbeherear zuzendariak jasoko du ohorezko saria, eta Begoña Vicariok, EITB saria.