“Everything everywhere all at once” gailen, Oscarren gauean
"Everything everywhere all at once" film bizi eta bitxiak erabateko nagusitasuna agertu du gaur, Oscar sarien 95. edizioaren galan, eta irabaz zitzakeen hamaika sarietako zazpi bereganatu ditu, besteak beste, zuzendaritza onenarena (Daniel Scheinert eta Daniel Kwan), jatorrizko gidoi onenarena, emakumezko aktore onenarena (Michelle Yeoh), bigarren mailako emakumezko aktorearena (Jamie Lee Curtis) eta bigarren mailako gizonezko aktore onenarena (Ke Huy Quan).
Estatubatuar filmak Evelyn (Michelle Yeoh) AEBetan bizi den etorkin txinatarrak mundua salbatzeko bizi duen abentura basatia kontatzen du, erritmo zoroan. Multibertsoko munduetan galdurik, bere botere berriak erabili beharko ditu galzorian den mundua multibertso horren arrisku bitxi eta ezezagunetatik babesteko.
Interpretazioen ataleko laukotea Brendan Fraserrek osatu du. Berarentzat izan da gizonezko aktore onenaren saria, "The whale" pelikulan egin duen lanari esker.
"All Quiet on the Western front" izan da film sarituenen zerrendan bigarrena, lau golardo bereganatuta: argazkilaritza onena, nazioarteko film onena, makillaje eta ile-apainketa onenak eta soinu banda onena.
Aitzitik, esku hutsik joan dira une gogoangarririk apenas utzi duen galatik (musika ikuskizunak eta Ke Huy Quanen hitzaldi hunkigarria soilk nabarmendu dira, gutxi-asko) "The Fabelmans" eta Steven Spielberg berorren zuzendaria, "The banshees of Inisherin", "Elvis", "Triangle of sadness" eta "Tár" eta Cate Blanchett horren protagonista, emakumezko aktore onenaren saria irabazteko faborito nagusia zena.
Animaziozko film onenaren saria Guillermo del Toro mexikarrak irabazi du, "Pinocho" lanari esker; gidoi egokitu onena "Women talking" filmarentzat izan da, Miriam Toewsen eleberria zinemara ekartzeko lanagatik; eta "Navalny" Errusian preso dagoen politikariari buruzko lanak irabazi du dokumental onenaren saria.
Ikusi saridun guztien zerrenda
Oscar sarien 95. edizioko irabazleen zerrenda
Zure interesekoa izan daiteke
Jack Taylorren azken whatsappa
Elegante zen oso Taylor jauna. Itxuraz eta arimaz. Bizitzan zuen jokabidean ere bai.
"Las hijas" saritu dute Cannesen
Yune Nogueiras protagonista duen eta antzeztaldean Jone Laspiur, Edurne Azkarate, Ainara Elejalde, Ainhoa Larrañaga eta Nerea Sanz euskal aktoreak dituen euskal film luzeak saria eskuratu du Frantziako jaialdiko Marché du Film merkatuan.
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...