Franciso Ruiz ETAren biktima: "'No me llame Ternera' filmeko zuzendariek lan bikaina egin dute"
Larunbat honetan aurkeztu da Donostiako Zinemaldian No me llame Ternera dokumentala, Marius Sánchez eta Jordi Evoleren film luzea. Polemikarekin iritsi da dokumentala jaialdira eta arratsaldean eman duten prentsaurrekoan filmaren inguruan sortutako "zalaparta" kritikatu dute zuzendariek. "Herrialde honen anomalia bat da bere iraganari begiratzen ez jakitea, nahiz eta min eman", esan du Evolek. Gauean, dokumentalaren lehen emaldiaren ostean, ikusleen oniritzia jaso du ETBk Kursaaleko sarreran.
Ikusleen artean izan da Francisco Ruiz 1976an Galdakaoko alkatea hil zuen ETAren atentatuan larri zauritu zen udaltzaina. Besteak beste, atentatu honi erreferentzia egiten dio Josu Urrutikoetxeak filmean, bere ardura aitortuz, eta biktima izan zen Ruizek hitzekin hasi eta amaitzen da, hain zuzen ere, dokumentala.
Jendaurreko lehen proiekzioa amaitu denean, minutu luzez txalo jo diete Ruizi eta dokumentalaren egileei Donostiako Kursaalean. Senideez inguratuta ikusi du filma Ruizek eta txaloen ostean, jendearengana zuzentzera animatu du Evolek.
No me llame Ternera filmeko zuzendariek "lan bikaina" egin dutela esan du Ruizek eta ETAren biktimak izan ditu gogoan baita bere egoera pertsonala eta Euskal Herritik nola alde egin zuen ere.
"Kutsatu bat banintz bezala utzi behar izan nuen Euskal Herria"
"Hiltzaile" eta "psikopata" gisa definitu du Ruizek Urrutikoetxea eta gogoratu du atentatutik bizirik atera ondoren, Euskal Herritik "kutsatu bat" balitz bezala ihes egin behar izan zuela, "poltsikoa hutsik" eta "ez Eusko Jaurlaritzaren, ez Espainiako Gobernuaren, ez gizartearen babesik gabe". "Benetan penagarria izan zen", hausnartu du. "Bake gizona izan naizenez, 55 urteko istorio hau testuliburuetan agertzea gustatuko litzaidake", gaineratu du.
Jesus Eguiguren PSEko presidente ohia eta 2006an ETA su-etena deitzera eraman zuten negoziazioetan parte hartu zuena ere izan da arratsalde-gaueko proiekzioan. Hain zuzen ere, Josu Urrutikoetxea solaskide izan zen negoziaketa haietan.
ETAren biktima izandako Gorka Landaburu kazetaria ere Kursaalen izan da lehen proiekzio honetan baita Pili Zabala legebiltzarkide ohia eta Guardia Zibilak bahitu, torturatu eta hil zuen Joxean Zabalaren arreba ere. "Aitortu gabeko biktimak eta nork hil zituen oraindik ezagutzen ez diren horiek denak ere errebindikatu nahi nituzke", esan du Zabalak eta txarro zaparrada jaso du.
Landaburuk esan du filmak ez diola "huts egin", baina bai "pertsonaiak". "Zaharrago ikusi dut, nire adin bera du, etorkizunik gabeko gizona da, motxila hori bukaeraraino eramango du, beste askok bezala. Bat nator Pilirekin: istorio asko falta dira kontatzeko". Piztutako polemika ere kritikatu du: "Dokumentala ikusi gabe gutun bat sinatu izana aurpegiratuko diet pertsona batzuei. Hemen ideologia desberdinetako pertsonak gaude eta hori da egin behar den lana, elkartu, hitz egin eta egia, justizia bilatu", azpimarratu du.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.