"Muerte en Amara", Begoña Urrozen aurkako atentatua nork egin zuen argitzen duen dokumentala
Muerte en Amara Aitor Gonzalez de Langaricak zuzendutako dokumentala ostiralean, hilak 18, estreinatuko dute Donostian, Giza Eskubideen Zinemaldian. EITBren parte hartzea duen filmak Begoña Urroz umearen aurkako atentatuaren frogak birpasatzen ditu, eta izen-abizenak jartzen dizkio 1960an Donostian egindako atentatuaren egileari. Urte askoan, ETAri leporatu zioten hilketa, baina DRIL Askapenerako Direktorio Iraultzaile Iberiarra talde antifrankista eta antisalzaristak egin zuen.
Guillermo Santoro ustezko hiltzaileak ez zuen zigorrik jaso, eta sekula ez zion familiari barkamenik eskatu.
Ordubetez, Gaizka Fernandez historialariak eta Manuel Aguilar kazetariak Begoña Urrozen hilketaren inguruan egindako ikerketa aletzen du filmak.
Dokumentalean, Guillermo Santorori egozten diote hilketa; bera izan zen, filmean esaten denez, maleta bat erosi eta Amarako geltokian utzi zuena, lehergaiz beteta. Soledadek, Begoña Urrozen izebak, bertan lan egiten zuen, eta harekin zegoen umea, ama zapata batzuk erostera joan zen bitartean.
Dokumentalean erakusten denez, bonba maleta jarri eta gero, Guillermo Santorok Frantziara egin zuen, eta handik Belgikara. Geroago, Santoro Galiziara itzuli zen eta bizimodu "erabat normala" egin zuen Vigon. "Inork ez zion konturik eskatu, eta, guk dakigula, inoiz ez zuen gertakari hartaz hitz egin, ez zuen errua bere gain hartu eta ez zion familiari barkamenik eskatu", adierazi du Fernandezek.
Zure interesekoa izan daiteke
Michaël R. Roskamen 'Le Faux Soir' filmarekin emango diote amaiera Zinemaldiari
II. Mundu Gerran Belgikako Erresistentziaren operazio batean gertatutakoa azaltzen duen filma lehiaketatik kanpo proiektatuko da irailaren 26an, Kursaalen, palmaresa iragarri ondoren.
Fatih Akinen "Ghost Song" filmak inauguratuko du Zinemaldiko Sail Ofiziala
Zuzendari alemaniarraren film berriaren mundu mailako estreinaldiak irekiko du irailaren 18an Donostiako Zinemaldiaren 74. edizioko Sail Ofiziala. Inaugurazio ekitaldiaren ondoren, Kursaal Auditorioan proiektatuko da filma, eta Akinek Urrezko Maskorra lortzeko lehian parte hartuko duen lehen aldia izango da.
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.