Albiste izango dira: Zinemaldiaren hasiera, Sanchezen eta Pradalesen arteko bilera, eta Israel-Hezbollah gerra
Honako gai hauek hartuko dituzte gaur, 2024ko irailaren 20an, hedabideetako lerroburu nagusiak:
- Zinemaldiaren hasiera: Gaur abiatuko da Donostiako Zinemaldiaren 72. edizioa. Irekiera ekitaldia 21:00etan hasiko da, eta zuzenean jarraitu ahal izango da eitb.eus-en. Ekitaldi horretan bertan, Javier Bardemek iaz Hollywoodeko aktoreen grebaren ondorioz jaso ezin izan zuen Donostia saria jasoko du. Emmanuelle filmak emango dio hasiera Sail Ofizialari, Audrey Diwan zuzendaria eta Noemie Merlant aktorea buru direla.
- Lehendakaria Sanchezekin bilduko da: Imanol Pradales lehendakaria Pedro Sanchez Espainiako Gobernuko presidentearekin bilduko da gaur Moncloa Jauregian. Bien arteko bigarren bilera izango da gaurkoa, lehendakari izendatu berritan, uztailaren 26an, Ajuria Enean elkartu baitziren. Pradalesek "hitzetatik ekintzetara" pasatzeko eta eskualdatu gabe dauden eskumenen transferentzia azkartzeko eskatuko dio gaur Sanchez presidenteari.
- Israel-Hezbollah gerra: Hasan Nasrala Hezbollah Libanoko alderdi xiitaren buruzagiak "aurrekaririk gabeko sarraskia" eragitea leporatu dio Israeli, azken egunotan ehunka komunikazio dispositibo zartarazita gutxienez 37 pertsona hil eta ia 3.000 zauritu ondoren. Onartu du kolpe gogorra hartu dutela, eta gerra deklaraziotzat jo du gertatutakoa. Erasoen ostean, Libano "indartsuago" egiten ari dela ziurtatu du, eta "okerrenerako prestatzen" ari dela.
Zure interesekoa izan daiteke
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.