'Emilia Perez', 'The Brutalist' eta 'Shogun', garaile Urrezko Globoetan
Emilia Perez, lau sarirekin, eta The Brutalist, hiru golardorekin, izan dira Urrezko Globoen 82. edizioaren garaile nagusiak. Horiekin batera, Shogun telesaila nabarmendu da, hautagai zen lau sailetan lortu baitu saria.
Emilia Perez Jacques Audiard-ek zuzendutako pelikula frantsesk Hollywoodeko Prentsa Atzerritarraren Elkarteak urtero ematen dituen sarietako lau bereganatu ditu, baina hamar hautagaitza zituen.
Nikki Glaser umoregileak Los Angelesko Beverly Hilton hotelean zuzendutako galan, Audiarden thriller musikalak eraman ditu pelikula musikal onenaren saria, abesti original onenarena, ingelesezkoa ez den pelikula onenarena eta bigarren mailako emakumezko aktore onenarena (Zoe Saldana). Karla Sofia Gascon aktore espainiarra, pelikularen protagonista, aktore onenaren saria jasotzeko hautagaien artean zegoen, baina azkenean Demi Moorek eskuratu du The Substancen egindako lanagatik.
Galaren une gogoangarrienetako bat, hala ere, aktore espainiarrarena izan da, Emilia Perezen lantalde osoarekin batera eszenatokira igo eta gorrotoaren aurkako hitzak egin baititu: "Eskerrik asko. Kolore hauek aukeratu ditut gaur, budismoaren koloreak, mezu bat dudalako zuentzat: argia beti gailentzen zaio iluntasunari. Hainbeste gauza ditut orain esateko… Espetxera gaitzakezue, jo gaitzakezue, baina sekula ez duzue gure arima, gure erresistentzia eta gure nortasuna zuenganatuko. Esan ozen: askatasuna. Naizena naiz, ez zuk nahi duzuna", adierazi du aktore espainiarrak.
The Brutalist izan da beste garaile nagusia, eta pelikula dramatiko onena izendatu dute, zuzendari onenaren saria eman diote Brady Corbeti, eta gizonezko aktore onenarena Adrien Brodyri. Fernanda Torresek bereganatu du emakumezko aktore dramatiko onenaren puxika, Ainda estou aqui pelikula brasildarrean egindako lanagatik, eta Sebastian Stanentzat izan da komedia edo musikaleko gizonezko aktore onenaren saria. Kieran Culkinek bigarren mailako aktore onenaren urrezko puxika eraman du A Real Painen egindako lanagatik.
Gints Zilbalodis letoniarraren Flow "katuen pelikula txikia" izan da sariduna animazio sailean, gidoi onena Peter Straughanentzat izan da Conclavegatik, eta Trent Reznorrek eta Atticus Rossek soinu banda onenaren saria eraman dute Challengersen egindako lanagatik. Wickedentzat izan da txartel-leihatiletako lorpen handienaren Urrezko Puxika berria, besteak beste, Deadpool and Wolverine, Alien: Romulus, Twisters, Gladiator II, The Wild Robot, Beetlejuice Beetlejuice eta Inside Out 2 garaituta.
Telebista arloan, Shogun izan da garaile nagusia. Feudalismo garaiko Japonian girotutako drama historikoak hautagai zen lau kategorietan irabazi du: telesail dramatiko onena, emakumezko aktore protagonista onena (Anna Sawai), gizonezko aktore protagonista onena (Hiroyuki Sanada) eta bigarren mailako gizonezko aktore onena (Tadanobu Asano).
Hacks izan da garaile komediazko telesailen atalean, eta Jean Smart protagonistak beste urrezko puxika bat eraman du. Jeremy Allen Whitek ere berriro eskuratu du saria The Bear telesailean egindako lanagatik. Baby Reindeer lanak telesail labur onenaren saria eskuratu du, eta Jessica Gunning protagonistarentzat izan da bigarren mailako emakumezko aktore onenaren golardoa.
Jodie Foster ere saritu dute True Detectiven egindako lanagatik, eta Colin Farrell The Penguinengatik. Ali Wong aktoreak eskuratu du lehenengo aldiz eman duten 'stand up' umoregile onenaren saria.
Zure interesekoa izan daiteke
‘Ander eta Yul’ filma zaharberritu dute EITBk eta Euskadiko Filmategiak
Ana Diez zuzendari nafarraren ‘Ander eta Yul’ (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’immagine Ritrovata laborategietan aztertu eta eskuz konpondu dute, aurretik, besteak beste, ‘Tasio’ filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.