Zinemaldirik euskaldunena abian da Donostian
Esther Garciak Kursaalen jaso du ekoizle bati eman dioten lehen Donostia Saria, Silvia Abril, Toni Acosta eta Itziar Ituño aktoreek aurkeztu duten inaugurazio galan. Palestinarekiko elkartasuna nabaria izan da.
Gaurtik aurrera, zinemak Donostiako pantaila guztiak hartuko ditu, eta inoiz baino euskal eta euskarazko ekoizpen gehiago izango dira aurten. Zinemaldiaren inaugurazio ekitaldia aurtengo edizioko lehen ohorezko saria emateko ere balio izan du, eta zinemaren munduaren erdigunean jarri du Gipuzkoako hiriburua astebetez.
Gaurtik hilaren 27ra arte, 29 zinema-aretok 254 ekoizpen proiektatuko dituzte (179 film luze, 7 film ertain, 63 film labur eta 5 serie); guztira, 666 proiekzio, zinemaren magiak deabrutzea nahi duenaren gozagarri.
Pelikula guztien artean, euskaldunek presentzia handia izango dute, bereziki Sail Ofizialean. Karmele (Asier Altuna), Zeru ahoak (Koldo Almandoz) seriea eta Maspalomas (Jose Mari Goenaga eta Aitor Arregi) euskarazko lanak proiektatuko dituzte bertan, azken hori lehian, baita Los domingos Alauda Ruiz de Azua barakaldarrak idatzi eta zuzendutako hirugarren film luzea eta Un fantasma en la batalla eta Los tigres euskal ekoizpenak ere.
Itziar Ituñok, Silvia Abrilek eta Toni Acostak aurkeztu dute gala. Elkarrekin, emakumezko aktoreentzako castingak nolakoak diren irudikatu dute, umorez.
Donostia Saria jaso duen lehen ekoizlea
Pedro eta Agustin Almodovar anaiek Donostia Saria eman diote El Deseo ekoiztetxeko "amari", Esther Garcia lankideari. Zuzendari espainiarrak nabarmendu duenez, Garciak oso ondo moldatzen jakin izan zuen, ezker eskuarekin bere autoritatea inposatuz, gizonez betetako ekoizpen zinematografikoaren munduan.
Ekoizle espainiarrak, Zinemaldiaren aintzatespenaz harro, bere gurasoak izan ditu gogoan: "patata-tortilla bat bezalako plazer xumeez gozatzen genuen bitartean, haien istorioak, txikiak bezain apartak," entzuten zituen. Bizimodu hori izan da beti bere bizitzako erreferentea, baita pelikula baten erantzukizun osoa bizkar gainean hartzen duenean ere.
Aldarrikapen gisa, Pilar Miro eta Josefina Molina emakumezko ekoizleak gogoratu ditu, eta soldata arrakala eta genero indarkeriarekin amaitzeko eskatu du, baita Gazako Zerrendako genozidioaren kontra egin ere. "Hortzak estuturik borroka dezagun zaurgarria defendatzeko. Denok gara zaurgarriak", esan du.
Esther Garcia ekoizleak Donostia Saria jaso du
Segovian jaiotako ekoizleak Agustin eta Pedro Almodovar anaien eskutik jaso du saria, haiekin egin baitu lan bere ibilbide profesionalaren zati handi batean. Hitzaldian, Ukrainan eta Gazan egun duten indarkeria gaitzetsi, eta eskubideen defentsa sutsua egin du, batik bat emakumeen eskubideena.
Bayonaren zorroztasuna eta errespetua
J. A. Bayona buru duen epaimahaia artudaruko da jaialdiko saririk garrantzitsuenak erabakitzeaz. Bere hasierako hitzaldian, Sail Ofizialeko filmak baloratzean epaimahaikide guztiek zorroztasuna, errespetua eta eskuzabaltasuna erakutsiko dituztela agindu du.
Juan Antonio Bayona buru, zinemako zazpi profesionalek osatzen dute Zinemaldiko epaimahaia
Zinemaldiko Sail Ofizialean lehiatuko diren 17 filmen artean aukeratu beharko du epaimahaiak. "Zarata eta haustura garai zalantzagarri hauetan", zinema "inoiz baino beharrezkoagoa" dela defendatu du Bayonak irekiera ekitaldian.
Aste luze honetan datorkigun guztiaren aurkezpen gutun gisa balio duen galan, Cayetana Guillen Cuervo Espainiako Arte Eszenikoen Akademiako presidenteak Marisa Paredes aktoreari omenaldi polita egin dio, Zinemaldiaren izenean.
Gainera, Izarok "Argia" abestu du eta 27 noches argentinarra aurkeztu dute; Zinemaldiaren inaugurazio ofiziala eman dion filma, hain zuzen.
Nazioarteko prentsa zinematografikoak beste sari bat eman dio Ainda estou aqui brasildarrari. Perlak sailean ikusi ahal izango da. Walter Salles zuzendariak jaso du saria.
'Ainda estou aqui' pelikulak jaso du Fipresci saria Zinemaldiaren irekiera galan
Zineman espezializatutako kazetariek ematen dute saria, eta Brasilgo ekoizpen hori aukeratu dute 2025ean. Walter Salles zuzendariak jaso du saria, Kursaal Jauregian.
Manifestariz inguratuta egon den alfonbra gorritik hasita, aurkezleek, sarituek, Almodovar anaiek eta Juliette Binochek (bahitu israeldarrak ere gogoan izan ditu) Palestinaren min jasangaitza aipatu dute.
Palestinaren eta Israeli boikota egitearen aldeko oihua Zinemaldiko alfonbra gorrira iritsi dira
Jende asko bildu da Kursaal aurreko alfonbra gorriaren ondoan, Zinemaldiaren inaugurazio ekitaldiaren aurretik, Palestinari elkartasuna adierazteko eta Israel egiten ari den genozidioa salatzeko. Zinema-mundua Palestinaren alde agertu da, Jose Luis Rebordinos Zinemaldiko zuzendaria tartean.
Zure interesekoa izan daiteke
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.