Aldaketarik ezean, oposizioak ez ditu EAEko Aurrekontuak babestuko
Ricardo Gatzagaetxebarria Ogasun eta Finantza sailburuak esan du Jaurlaritzak ez duela alderdirik lehenetsi EAEko Aurrekontuei buruzko akordioa lortzeko. Areago, talde guztiek egindako ekarpenak aintzat hartuko dituztela esan du.
Ildo horretan, Aurrekontuak onartuko direla uste du, alderdi guztiak bat datozelako oinarrian, besteak beste, gizarte-gaiak babestearen alde egiterakoan.
EH Bildu
Laura Mintegi EH Bilduren bozeramaileak Jaurlaritzaren Aurrekontuak kritikatu ditu, "miseria zabaltzea" ekarriko duelako. Mintegik balentriaz jokatzeko eskatu dio Urkulluri, "alternatibak egon badaudelako".
"Badago irtenbidea. Gastuari bakarrik begiratu beharrean, diru-sarrerei begiratu behar zaie. Fiskalitatearen eztabaidan balentriaz jokatu behar da eta sarrerak handitzea eragingo duen neurriak hartu. Horrela, krisi honi aurre egiteko Aurrekontu duina posible izango da", azaldu du.
Kazetarien galderak erantzunez, Mintegik ez du argitu EH Bilduk osoko zuzenketa aurkeztuko duen ala ez.
PSE
Jose Antonio Pastorrek esan du Jaurlaritzak ezin diola Alderdi Sozialistari "erantzukizuna" eskatu. "Aurrekontu horiek euskal gizartea odolustuko dute, Rajoyren murrizketak bere horretan aplikatzea suposatzen baitute", kritikatu du.
PSEk negoziaziorako atea irekita mantentzen duela berretsi ostean, baikortasunerako arrazoirik ez dagoela ohartarazi du. "Osoko zuzenketa bat aurkezteko aukerak atzo bezain errealak dira gaur", azpimarratu du.
PP
Antonio Basagoitik uste du Jaurlaritzak "hobetzeko asko" duela Aurrekontuetan, PPren babesa edo abstentzioa izan lortu nahi baditu. Beraz, aldaketarik egin ezean, Alderdi Popularrak osoko zuzenketa aurkeztu beharko lukeela adierazi du.
ETBn egindako elkarrizketan, Basagoitik esan du erantzukizuna Iñigo Urkulluren Gobernuarena dela. "Aurrekontuen proiektua erreformatzeko ahalegin gehiago egin behar dute, oposizioari entzun eta akordioetara heltzeko gai izan", azaldu du.
UPyD
Gorka Maneirok ere gogor kritikatu ditu Jaurlaritzaren Aurrekontuak. "Jarduera ekonomikoa suspertzeko eta enplegua sortzeko ez du balio; enplegurako politika aktiboak murrizten ditu, Ikerketan, Garapenean eta Berrikuntzan, esate baterako".
Horrenbestez, EAJri "elkarrizketarako" deia luzatu eta UPyDren proposamen batzuk "bere egiteko" eskatu dio. "Horrela ez bada, osoko zuzenketa aurkeztu beharko dugu", ohartarazi du Maneirok.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.