Urkullu ahaldun nagusiekin bildu da, lanpostuak sortzeko helburuarekin
EAEko ekonomia suspertzeko eta lanpostuak sortzeko ekimenak aurrera ateratzeko laguntza eskatuko die Iñigo Urkullu lehendakariak Arabako, Gipuzkoako eta Bizkaiko ahaldun nagusiei asteazken honetan. Bilerara jarrera ireki batekin joan direla iragarri dute hiru ahaldun nagusiek.
Bilera 16:00etan hasi da Ajuria Enean, eta bertan dira Martin Garitano (Bildu), Jose Luis Bilbao (EAJ) eta Javier De Andres (PP) ahaldun nagusiak eta Ibone Bengoetxea (EAJ) Eudeleko presidentea.
Bileraren helburua itun ekonomiko bat lortzea da, autogobernua eta bakegintza alde batera utzita.
Urkulluren Gobernuari egonkortasuna emateko akordio bat lortzea du helburu bilerak, Eusko Legebiltzarreko gutxiengoa gainditzeko. Datorren astean beste bilera bat egingo du lehendakariak, helburu berarekin, baina Legebiltzarrean ordezkaritza duten alderdietako ordezkariekin (EAJ, EH Bildu, PSE, PP eta UPyD) bilduko da orduan.
Aldundien jarrera
Bizkaiko ahaldun nagusiarekin eta Eudeleko presidentearekin adostasuna bermaturik du Urkulluk; izan ere, EAJkoak dira hirurak.
Horren harian, lehendakariak egingo dituen proposamenak "entzuteko prest" joango dela aurreratu du Jose Luis Bilbaok.
Gipuzkoako ahaldun nagusia ere jarrera irekiarekin joango dela azaldu du Larraitz Ugarte Gipuzkoako Foru Aldundiko bozeramaileak. Ahalduna Urkulluren azalpenak "entzutera" joango dela adierazi du Ugartek.
Akordio konkretuak lortzeko jarrera "eraikitzailea" izango duela esan du Javier de Andres Arabako ahaldun nagusiak bilerara sartu aurretik. Une honetan, erakundeen garatzeko aukerak oztopatu ez eta "esfortzuak batu" behar direla nabarmendu du De Andresek.
Europar Batasunak maiatzaren 29an defizit helburuak malgutuko omen ditu, eta proposamenak erabaki horrekin "lotuta" aurkeztuko ditu Urkulluk, Josu Erkoreka Eusko Jaurlaritzako bozeramaileak gaur azaldu duenez. Akordioa maiatzaren 29a baino lehen lortzea espero du Erkorekak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.