Parot doktrinako presoek EPPKren oharra baloratuko dute larunbatean
Parot doktrina bertan behera geratu ondoren espetxetik atera diren ETAko 63 presoek EPPKren azken oharra baloratzeko agerraldian parte hartuko dute larunbat honetan, Durangon (Bizkaia).
Ekitaldia 12:30ean egingo dute, Durangoko Kafe Antzokian. Deialdiaren arabera, egindako “kalteaz” eta legediaz hitz egiteko oharra EPPKk egindako oharra baloratuko dute larunbatean.
Atzo, Dignidad y Justicia elkarteak Auzitegi Nazionalari agerraldia debekatzeko eskatu zion. Dignidad y Justiciak jarritako salaketaren arabera, ekitaldian espetxetik atera diren 63 presoek parte hartuko dute eta, ondoren, bazkari bat egingo dute.
Santiago Pedraz Auzitegi Nazionaleko epaileak ekitaldi horren inguruko informazioa txosten batean biltzeko eskatu dio Ertzaintzari. Ahalik eta lasterren, ekitaldi mota, deitzaileak, parte-hartzaileak edota deialdia egiteko modua ikertzeko eskatu du Pedraz epaileak.
Eskaera honen aurrean, Auzitegi Nazionaleko Fiskaltzak poliziari larunbateko ekitaldiaren inguruko txostenak eskatu dizkio. Javier Zaragoza fiskal buruak Ertzaintzari, Guardia Zibilari eta Espainiako Poliziari ze ekitaldi mota den, nork deitu duen eta ETArekin erlaziorik daukan ikertzeko eskatu die.
Gizabanako batek egin du erreserba
Ertzaintzak Pedraz epaileari jakinaraziko dionez, gizabanako partikular batek egin du Durangoko Kafe Antzokiaren erreserba, bertan ekitaldi bat eta 100 bat lagunentzako luncha egiteko, Europa Pressen arabera. Jaurlaritzako iturriak aipatuz agentziak azaldu duenez, partikular batek egin du prentsaurrekoa eta luncha egiteko erreserba.
Ostiral goizean igorriko dio informazioa Ertzaintzak epaileari, Efe agentziak Segurtasun Saileko iturriak aipatuz azaldu duenez.
Dignidad y Justicia
Dignidad y Justicia elkartearen arabera, agerraldia egin ondoren, preso ohiek bazkaria egingo dute Durangon. Ekitaldiaren xedea “ETA talde terroristaren gainerako kideei babesa ematea” izango dela salatu dute.
Larunbateko ekitaldia KT1 (Koordinazio Taldea) Arantza Zulueta abokatuak “zuzendutako EPPKren azpiegitura batek” deitu duela adierazi dute.
Ekitaldia debekatzea eskatu dio AVTk ANri
AVT Terrorismoaren Biktimen Elkarteak, bestalde, larunbateko ekitaldia debekatzea eskatu dio Auzitegi Nazionalari, ekitaldi horrek terrorismoa goratuko duela eta biktimak umiliatuko dituztela argudiatuta.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.