Ares: 'PSCko batzuk, sozialista baino gehiago, nazionalistak ziren'
EAEko sozialisten baitan "barne eztabaidarik" ez dagoela eta PSCrekin gertatutakoa ez dela Euskadin "errepikatuko" esan du gaur Rodolfo Ares PSE-EEko Antolakuntza idazkariak. Horren hitzetan, "argi geratu da" Kataluniako sozialisten artean "batzuek nazionalistagoak zirela sozialista baino".
Radio Euskadiri eskainitako elkarrizketan, Aresek esan du autogobernuaren inguruko eztabaida ez dagoela PSE-EEren "lehentasunen" artean. Hala ere, eztabaida horretan "oso eroso" daudela gaineratu du, sozialisten jarrera "oso argia" dela argudiatuz: "Batzen gaituzten egitasmoak eta akordio zabalak bilatu nahi ditugu, eta ez zatitu egiten gaituztenak", beti ere, "Espainia eta Europa barruko elkarbizitza" aurreikusiko luketen akordioak eta "indarrean dauden legeak aintzat hartuko lituzketenak".
"Jomuga independentzia duten egitasmo guztien aurka izango gara", azpimarratu du.
Bestalde, Eusko Jaurlaritzari autogobernuaren inguruan proposamen zehatz bat aurkezteko eskatu dio Rodolfo Aresek.
Gai horren inguruan, euskal sozialistek euren jarrera "argitasunez" azaldu dutela azpimarratu du PSE-EEko ordezkariak, eta "mota horretako eztabaidak" egin izan dituztela gaineratu du, Ibarretxe Planaren inguruko eztabaidari aipamen eginez.
Bestalde, epaileak Hasier Arraiz Sortuko presidentearen aurkako salaketa artxibatu ondoren, Aresek esan du "EH Bilduren eta Sorturen munduan" bere iraganaren "azterketa kritiko" bat egin beharko luketela orain.
Hala ere, Aresek ez du epailearen erabakiaren inguruan iritzirik eman nahi eta "auzitegien erabakiei errespetua" adierazi die.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.