Gorenak 53 droga-trafikatzaileren askapena baliogabetu du
Auzitegi Nazionalak agindutako 53 droga-trafikatzaileren askapena baliogabetzea erabaki du asteazken honetan Gorenak, aho batez. Auzitegi Nazionalak Justizia unibertsalaren interpretazio okerra egin zuen, Gorenaren arabera.
Drogaren kontrako Fiskaltzak 21 droga-trafikatzaileren askapenaren kontrako helegitea jarri zuen, eta orain Gorenak arrazoia eman dio.
Gorenaren epaian irakur daitekeenez, Justizia Unibertsalaren interpretazio oker batetik abiatuta, ustezko 53 droga-trafikatzaile aske uztea erabaki zuen Auzitegi Nazionalak. Orain, berriz ere horiek atxilotzeko nazioarteko aginduak emango ditu Auzitegi Gorenak. Dena den, atxilotzeko agindu horiek Drogaren kontrako Fiskaltzak jarritako helegiteak Gorenera iritsi ahala egingo dira. Oraingoz, beraz, gaurko epaiak eragiten zien droga-trafikatzaileen kontrako atxilotze agindua emango du Gorenak.
Gorenak Alborango itsasoan atxilotu zituzten 13 ustezko droga-trafikatzaileen auzia aztertu du. Atxiloketaren unean nazioarteko uretan zeuden, eta ontziaren barruan 16 tonelada haxix zeramatzaten. Epaiketara begira, Drogaren kontrako Fiskaltzak sei urte eta bi hilabeteko kartzela zigorra eskatu zuen atxilotuentzat osasunaren kontrako delitua egotzita. Halaber, Auzitegi Nazionalak atxilotuak aske uzteko hartutako erabakiaren ondotik Gorenaren aurrean helegitea aurkeztu zuen.
Espainiako Gobernuak Justizia Unibertsalaren erreforma onartu zenetik, 50etik gora droga-trafikatzaile aske utzi ditu Auzitegi Nazionalak.
Konstituzionalak PSOEren erreformaren aurkako helegitea onartu du
Konstituzio Auzitegiak onartu egin du PSOEk justizia unibertsalaren legearen erreformaren aurka aurkeztutako helegitea. Erreforma PPren botoekin soilik onartu zen martxoan.
Talde Parlamentario Sozialistaren demanda Kongresura, Senatura eta Gobernura igorri du Auzitegiak, eta hamabost egun izango dituzte prozesuan parte hartu eta alegazioak aurkezteko.
Oposizioko talde nagusiak inkonstituzionaltasun helegitea ezarri zuen, Botere Judizialaren Lege Organikoko 23. artikuluaren azken erreformak justiziaren eraginkortasuna, epaileen independentzia eta Espainiak sinatutako zenbait nazioarteko hitzarmen kaltetzen dituela argudiatuta.
Soraya Rodriguez PSOEren Kongresuko bozeramaileak ekainean aurkeztu zuen helegitea, Auzitegi Nazionala jurisdikzio unibertsaleko kasuak ixtera derrigortzen duen legea zalantzan jarriz.
Justizia unibertsalari esker, dozenaka ikerketa zabaldu ahal izan dira, tartean, Tibeteko edo Saharako genozidioak, Jose Couso kameralariaren hilketa Iraken, Ignacio Elllacuria jesuitaren hilketa edo CIAren hegaldiak.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.