EH Bildu: 'Ergelkeria politikoari eginiko monumentua da AHTa'
EH Bilduk Abiadura Handiko Trena (AHT) bezalako "ergelkeria politikoari eginiko monumentuan milaka milioi euro xahutzeari uztea" eskatu du gaur. Horrekin batera, "proiektu zentzugabe hau" geldiarazteko "premiazko eskaria" egin dio Eusko Jaurlaritzari.
Oskar Matute EH Bilduko legebiltzarkideak egin ditu adierazpen horiek Donostian egindako prentsaurreko batean. Bertan, Iñigo Urkulluren Gobernua kritikatu du: "Aurrera doa inora ez doan trena eraikitzeko helburuan. Izan ere, Abiadura Handiko Trenaren helmuga bakarra diru publikoa xahutzea dela ematen du".
Obra horietan "izan diren istripu zein garestitze guztiak" salatu ditu Matutek, eta Zumarragako (Gipuzkoa) tunela egiteko lanetan izandako "hamaikagarren ezbeharra" jarri du horren adibide. Izan ere, horren hitzetan, "trenbidearen zati hau proiektuaren eredu bihurtu nahi dute, baina kaosaren eta dirua xahuketaren eredu izateko bidean dago".
Matuteren esanetan, azken berrien arabera, tuneleko obrak gutxienez beste lau hilabetez luzatuko dira gertatu berri diren lurjausien ondorioz. Horrekin batera, istripu horiek langileak arriskuan jarri dituzten edo ez galdetu du; izan ere, obrak hasi zirenetik "gutxienez sei izan dira lanean hildakoak eta dozenaka zaurituak".
"Trenbidearen zati honetako metro bakoitzak 35.000 euroko kostua dauka, eta badirudi, ibilbidearen zati hau diru publikoa irentsiko duen putzu handia dela", azpimarratu du Matutek. "Horiek dira herritarrentzat datu eskandalagarriak, eta ez alkate arrazista batek egin ahal dituen adierazpen faltsuak", gaineratu du.
Horren aburuz, badirudi ibilbidearen zati hau, "guztira 6.000 milioi euroko kostua" izango duena, "gero eta gehiago" garestitzen joango dela, "proiektu osoa bezala". Bitartean, osasun sistemako sindikatuak Lehen Arretan eta ospitaleetako oheetan murrizketak egin direla salatzen ari direla nabarmendu du: "Osakidetzak ukatu egin du hala izatea, baina benetako datuen berri dugunean onartu beharko dute, dagoeneko jakin baitugu ekainetik uztailera ia 500 ohe murriztu zituztela ospitaleetan".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.