Rajoy: 'Gobernari guztiek legea bete behar dute'
Auzitegi Konstituzionalaren erabakia ez betetzea demokraziarekin bateraezina dela ohartarazi dio gaur Mariano Rajoy Gobernuko presidenteak CiUri.
Adierazpenak Senatuko osoko bilkuran egin ditu Rajoyk. Josep Lluis Cleries CiUko bozeramaileari erantzun dio Exekutiboko presidenteak. Cleriesen ahotan, Auzitegi Konstituzionalaren erabakiak kataluniarrak Estatuarengandik gehiago urruntzen ditu, Estatuak "errespetatu nahi ez dituelako". Gainera, Katalunian bozkatzea eragozten ari direla salatu du CiUko senatariak.
Eztabaidagaia bozkatzea edo ez bozkatzea ez dela azpimarratu du Rajoyk, gobernari guztiek legea errespetatzea baizik. Espainiar guztien eskubideen aurka egitea jokoan dagoela erantsi du. Rajoyren hitzetan, Konstituzioa ez da harresi bat, elkarbizitzarako bidea baizik.
Kataluniako Generalitatea legea bete "behar" duela errepikatu du Rajoyk. "Gainerako herritarren eskubideen kontra" egin beharrean, legea bete "behar" du, adierazi duenez. CiUko diputatuek kontrakoa defendatzea "tristea" dela uste du Gobernuko presidenteak.
PPko senatariak txaloka. Argazkia: EFE
Visca Katalunia!
"Gogoeta egin beharko zenukete. Sekula huts egiten ez duzuela ematen du", esan dio Rajoyk CiUko bozeramaileari. Kataluniarrek "askatasunez bozkatuko" dutela ziurtatu du Cleriesek. Demokratikoa bozkatu ahal izatea dela gaineratu du. "Espainia Markaren mesederako, bozkatzea legez kanpokoa eta hausten duela ez gehiago errepikatu", esan dio presidenteari. Hitzaldia "Visca Katalunia!" batekin amaitu du CiUko senatariak.
Generalitateak kontsulta antolatzeko gaitasun legala duela defendatu du Cleriesek, eta Gobernuak Auzitegi Konstituzionalera jo izana kritikatu du. Era berean, helegiteak onartu eta arauak bertan behera utzi behar zituztela aurreratu izana salatu du CiUko bozeramaileak. "Botere banaketarik gabe ez dago demokraziarik", esan du.
Espainian "60 aldiz baino gehiago" bozkatu dutela gogorarazi dio Rajoyk. Eztabaidagaia hori ez dela errepikatu du, "bozkatu ala ez bozkatu", alegia. "Gobernari guztiek legea bete behar dute", azaldu du, legerik gabe demokraziarik ez dagoelako.
"Bidegabekeri eta purrustaden" zerrenda bat egin nahi ez zuela adierazi du presidenteak, baina atzo esandakoa errepikatzeko aprobetxatu du: Artur Masek elkarrizketa eskatu dio Gobernuari, baina Generalitatearen aldebakarreko erabakiak onartzeko. "Horrela jokatuta oso zaila da akordioa lortzea", esan du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.