Masek A9koari eutsi dio, eta Estatuaren kontra jotzea aztertzen ari da
Artur Mas Generalitatearen presidenteak azaroaren 9rako antolatu duten parte-hartze prozesuari eutsi dio, nahiz eta Espainiako Gobernuak horren kontra jo Auzitegi Konstituzionalean, eta aztertzen ari da Estatuaren kontrako neurri judizialak hartu ala ez. Izan ere, Espainiako Gobernua "botere gehiegikeriaz" jokatzen ari dela eta Auzitegi Konstituzionala "modu okerrean" erabiltzen ari dela iritzi dio.
Espainiako Ministroen Kontseiluak A9ko prozesua Auzitegi Konstituzionalera eramango duela iragarri ostean, Masek agerraldia egin du Generalitatean, eta parte-hartze prozesuaren prestakuntza, "ia amaituta" dagoena, bururaino eramango duela jakinarazi du.
Masen ustez, Espainiako Gobernuaren helegiteek agerian uzten dute ez dutela gaitasun politikorik eta "botere gehiegikeriaz" jokatzen ari direla; izan ere, Auzitegi Konstituzionala "modu okerrean" erabiltzen ari omen dira, ez dagokion ardura bat emanez: politikoki konpondu behar den gai baten inguruan erabaki.
Presidenteak azaldu duenez, Espainiako Gobernuaren kontra har ditzaketen neurri judizialek autogobernua babestea izango dute helburu, eta azaroaren 9a baino lehen hartu beharko lituzkete. Gainera, ordenamendu juridikoa errespetatuko omen dute neurri horiek, Espainiako Gobernuak "errespetatzen ez duen" ordenamendu juridikoa.
Kataluniako presidenteak berretsi du Kataluniak herritarren parte-hartzerako eskumenak dituela, eta Espainiako Gobernuak urratu egingo dituela prozesua geldiarazten badu.
Bestalde, datozen egunetan Erabakitzeko Eskubidearen aldeko Itun Nazionalaren aparteko bilera deitzeko aukera aztertzen ari da.
Kontsulta "erabat antidemokratikoa" da
Rafael Catala Espainiako Justizia ministroarentzat azaroaren 9ko prozesua "antikonstituzionala" eta "erabat antidemokratikoa" da, eta Generalitateak abiatutako ekintzak bere eskumenetatik kanpo daude.
"Kataluniako Generalitatea babesten ari den deialdia eta ekintzak (webgunea, boluntarioen koordinazioa, eskolak prestatzea, hautestontziak) Mas jaunaren Gobernuaren eskumenetatik kanpo daude", adierazi du.
Kataluniako Autonomia Estatutuak "inkestak, parte-hartze foroak eta audientzia publikoak" antola ditzake, "baina ez Generalitateak antolatu nahi duena bezala erreferendum bat", gaineratu du.
Albiste gehiago politika
EAJk "zubi guztiak haustea" egotzi dio PPri, De Andresek Cerdan auzian dituen "inplikazioengatik" azalpenak eskatu ostean
Alberto Nuñez Feijook zuzentzen duen alderdia "Jeckyll eta Mr.Hyde" gisa definitu dute jeltzaleek; "egun batean EAJrekin harremana abiatu nahi du eta biharamunean zubi guztiak hautsi".
Legegintzaldiak behea jotzeko arriskua ikusten du Sumarrek, PSOEren "immobilismoagatik"
Cerdanen espetxeratzeak eragindako krisia dela eta PSOErekin legealdiaren etorkizuna aztertzeko bi ordu eta erdiko bilera egin ostean, Sumarren bozeramaileak esan du PSOE ez dela egoeraren "larritasunaz ohartu".
PPk azalpenak eskatu dizkio EAJri Cerdan auzian dituen "inplikazioengatik"
Javier De Andres EAEko PPko presidenteak azalpenak eskatu dizkio EAJri, Santos Cerdan PSEko antolakuntza idazkari ohiaren auzian Iñaki Alzaga enpresaburuak (alderdi abertzalearekin lotura duena, bere esanetan) duen inplikazioagatik.
Tellado izango da PPren idazkari nagusia, eta Ester Muñoz, bozeramailea
Kongresuko egungo bozeramaileak ordezkatuko du Cuca Gamarra, PPk asteburuan Madrilen egingo duen XXI. kongresu nazionalean.
'Cerdan auzia'ren ostean legegintzaldia indarberritzeko neurriak hartzeko bildu dira PSOE eta Sumar
Sumarren asmoa da "180 graduko bira" ematea, eta nabarmendu dute krisi honek balio behar duela Gobernuaren programaren helburu nagusiak bizkortzeko eta ustelkeriaren aurkako mezu argia emateko. Horren bidez, oinarri progresistak suspertzeko 'Cerdan auzia'ren afrontuaren ostean.
Miguel Telladok PP eta EAJren arteko harremanari berriz heltzeko eskatu diela jakinarazi du alderdi jeltzaleak
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak kortesia parlamentarioagatik onartu du PPren ordezkariarekin hitz egitea.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.