ERCk hauteskundeak egitea eskatu du Parlamentu eratzaile bat sortzeko
Marta Rovira ERCren idazkari nagusiaren esanetan, atzo Katalunian bizitako parte-hartze prozesua “subiranotasun ekintza” izan zen eta horrek alderdi eta erakundeak behartzen ditu egoerak eskatzen duen “neurrira egotera” eta hauteskundeak aurreratzera, Parlamentu eta Gobernu eratzaile bat sortzeko.
ERCren Batzorde Iraunkorraren ondorengo bilera bukatutakoan Rovirak esan duenez, alderdia “oso pozik” dago parte-hartze eta emaitzarekin eta, bere ustean, “egun historikoa” izan zen, “herritarren parte-hartzeari eta milaka boluntarioren ahaleginari esker”.
Roviraren arabera, katalanek atzo bidalitako mezua “subiranotasun ekintza” baten izaerakoa da eta, hemendik aurrera, alderdiei, erakundeei eta entitateei dagokie mezuari edukia ematea eta “Estatu independente bat eratzen” hastea.
“Herritarrek prozesu eratzailea zabaltzea nahi dute”, horretarako, azaldu duenaren arabera, lehenbailehen hauteskundeak deitu behar dira “parlamentu eratzaile bat sortzeko”.
“Independentzia lortzea helburu” izango duen “gehiengo parlamentarioa lortzeko formula” bilatzen hasteko deia egin du gaur egindako adierazpenetan Marta Rovirak. Horretarako, “indar batuketa” berria eratzea beharrezkoa izango dela gaineratu du.
Radio Euskadin adierazi duenez, atzo katalanek igorritako mezua “oso argia izan zen”: “Espainiako Gobernuaren debeku, mehatxu eta inpugnazioen gainetik herritarren erabakitzeko eskubidea dagoela esan zuten argi”, adierazi du.
“Hori izan da mezu nagusia, eta independentziari babes handia eman zioten, gainera. Gaurtik aurrera, politikagintzatik egin behar duguna mezu hura jaso eta gehiengo parlamentarioa lortzeko formula bilatzea izan behar da”, berretsi du.
Hemendik aurrera, katalanek independentzia jorratu ahal izateko formula bilatuko egingo dute. “Atzokoa posible egin zuen indar batuketa eraiki behar dugu berriro ere; mezua osatu eta lana amaitu behar dugu orain”, gaineratu du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.