Birzentralizazioari aurre egitea adostu dute Urkulluk eta Masek
Iñigo Urkullu lehendakariak eta Artur Mas Generalitateko presidenteak kezka azaldu dute Espainiako Gobernuaren "estrategia birzentralizatzailea" dela eta; izan ere, estrategia horrek "duela hiru hamarkada lortutako oinarrizko adostasun politikoak" urratzen dituela uste dute. Horren aurrean, elkarrekin lan egitea adostu dute.
Bileran, bi nazionalitateek bizi duten egoera ekonomiko eta politikoa aztertu dute, "baita Estatu ereduak bizi duen krisi instituzionala ere". Bi gobernuburuen iritziz, gainera, krisi hori areagotzen ari da Estatu espainiarrean.
Bestalde, autonomia erkidego historiko bakoitza "bere estatus politikoa egokitzeko" garatzen ari diren prozesu politikoez ere mintzatu dira." Kasu bakoitzak eredu eta prozedura propioa baldin baditu ere, bai Iñigo Urkulluk eta bai Artur Masek ere kezka adierazi dute Espainiako Gobernuaren estrategia birzentralizatzailea dela eta, orain hiru hamarkada lortutako oinarrizko adostasun politikoak alde bakarrez hausten ari delarik", adierazi du Eusko Jaurlaritzak ohar batean. Horren aurrean, bi buruzagiek adostu dute elkarrekin lanean jardutea prozesu horri aurre egiteko, beti ere, euren autogobernua eguneratzeko jorratzen ari diren bideak errespetatuz.
Biak ala biak kezkatuta agertu dira baita ere, politika ospea galtzen ari delako. Honen oinarrian dago, bien ustez, alderdi politikoekiko gizarteak duen mesfidantza. "Konfiantza falta honen jatorria da, besteak beste, finantza krisia eta honek gizartean izan duen eragina, hala nola politikari lotutako ustelkeria eta oker jardutea. Hau dena, krisi ekonomikoaren kudeaketak eragindako etsipen egoera batean", Eusko Jaurlaritzaren oharraren arabera. Horren aurrean, bi agintariak bat datoz gardentasunaren unea dela, kontuak argi azaltzekoa eta politikaren duintasunaren alde lan egitekoa; zerbitzari publikoen gehiengoaren zintzotasuna azpimarratuz.
Iñigo Urkullu lehendakariak eta Artur Mas Kataluniako Gobernuko presidenteak ordu eta erdiko bilera egin dute Gasteizen, Euskal Selekzioaren eta Kataluniakoaren arteko partida jokatu baino lehen. 13:00etan hasi dute bilera eta, hasteko, bi gobernuburuek opariak eman dizkiete elkarri. Lehendakariak bi opari eman dizkio Artur Masi: Ajuria Enea jauregiaren grabatu bat eta 1936ko urriaren 8ko Euzkadi egunkariaren alearen faksimile bat, lehen Eusko Jaurlaritzaren eraketaren berri ematen zuena. Bere aldetik, Mas presidenteak 1714-2014 Hirurehungarren urteurrenaren omenezko argitalpen bat oparitu dio Urkulluri.
Bileraren ondotik, bi agintariak Gasteiztik Bilbora joan dira Euskal Herriko selekzioaren eta Kataluniakoaren arteko adiskidantzazko futbol partida bertatik bertara ikusteko.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.