Kontu Auzitegiak 440.000 euro erreklamatu dizkie Alonsori eta Marotori
Estatuko Kontu Auzitegiak 440.000 euro inguru eskatu dizkie Alfonso Alonso egungo Osasun ministroari, Javier Maroto Gasteizko alkateari eta Gasteizko udaletxean PPko bost zinegotzi ohiei, bulego batzuk alokatzeko sei milioi euroko kostua izan zuen kontratua sinatzeagatik.
EFE agentziak ezagutarazi duen dokumentuaren arabera, Kontu Auzitegiak uste du kontratu horretan irregulartasunak izan zirela. Bulegoak Gonzalo Antonenak ziren, 2006an erosi zituen, 2,7 milioi euroren truke, eta, urtebete geroago, Alfonso Alonsorekin sinatutako alokairu- kontratuagatik askoz diru gehiago jaso zuen.
Gainera, zigor-klausula bat gehitu zuten, kontratua bertan behera utzi izan balitz indarrean jarriko litzatekeena, eta Kontu Auzitegiak uste du neurri horrek “kontu publikoaren kalterako” izan zela.
Kontu Auzitegiak martxoaren 5erako deklaratzera deitu ditu Alfonso Alonso eta garai hartan udaletxean lanean ari ziren PPko bost zinegotziak, alegazioak aurkez ditzaten.
Alabaina, EFEk PPko iturriak aipatuta zabaldu duenez, Alonso eta PPko zinegotzi ohiak ez dira auzitegira joango. Abokatu-talde bat joango da haien izenean.
Llanos: 'Azalpenak emango dizkio Alonsok Kontuen Auzitegiari'
Nerea Llanos Euskadio PPren idazkari nagusiak ez du “inongo zalantzarik” Alfonso Alonso egungo Osasun ministroak Kontuen Auzitegiari “beharrezkoak” diren azalpenak emateaz. Bulego batzuk merkatuak ezarritakoa baino prezio “altuagoan” alokatzeagatik aurkeztu ditu alegazioak auzitegiak.
Javier Ruiz Bizkaiko ahaldun nagusi izateko hautagaiaren aurkezpenean egin ditu adierazpen horiek Nerea Llanosek.
“Kontu hau modu sakonean eztabaidatu da Gasteizko Udalean, eta beharrezkoak izan diren azalpenak eman dira bertan”, adierazi du Euskadiko PPko idazkari nagusiak.
“Kontuen Auzitegiak deitzen dituztenean beharrezkoak diren azalpenak emango dituzte, ez dut zalantzarik”, gaineratu du.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. Sozialisten aburuz, beharrezkoa da "Arabako Errioxa klima aldaketaren aurrean babesteko fronte bat" eratzea. PPk uste du landa eremua "abandonatuta" dagoela eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".