Hauteskunde aurreko giroan ospatuko dute Aberri Eguna EAJk eta Bilduk
EAJk eta EH Bilduk 2015eko Aberri Eguna ospatuko dute igande honetan Bilbon eta Iruñean, hurrenez hurren, hauteskunde aurreko giroa lagun izanda. Bi indar politikoak boza nazionalistengatik lehiatuko dira. Halaber, Nafarroan "ziklo berria abiatzea" espero dute, UPN eta PSNren hegemonia amaituta, xede izanik Nafarroa "gainerako euskal herritarrekiko hurbiltzea".
EAJ
Aberri Egunean Euzko Alderdi Jeltzaleak "euskal nazioa" aldarrikatu nahi du, eta "Europako nazioen mapan herri bezala ikusiaraztea". Koalizio abertzaleak, berriz, "euskal Estatua eraikitzeko bidea zehaztu" nahi du, erabakitzeko eskubidearen bitartez, alegia.
EAJ Bilboko Plaza Barrian izango da, 'Herriz Herri, Aberri!' lelopean hitzorduan ospatzen. Gainera, Sabino Arana EAJren sortzailea jaio zenetik 150 urte igaro dira, eta data hori ere ospatuko dute bihar.
Iñigo Urkullu lehendakariak eta Andoni Ortuzar EBBko presidenteak hitzaldia eskainiko dute 11:30ean, eta giroa aurreko urteetan baino baikorragoa izango da, egoera ekonomikoak hobera egin baitu, eta hazkunde ekonomikoko unean gaudela uste baitute.
Aberri Egunaren harira EAJk egindako dokumentuan, jeltzaleek nabarmendu dute Aberri Eguna ospatzen jarraitu behar dutela "aitorpen argia lortu ez dugulako", hori dela eta, "euskal herritarrek tema demokratikoari eutsiko diete, herritaren gehiengoan oinarrituta, euskal bereizgarriak errespetua lortu arte".
Ortuzarrek zuzendutako alderdiak ezin du ahaztu datorren maiatzaren 24an izango dira foru- eta udal-hauteskundeak. EAJren ustez, "lidergoaren oreka berria ezarriko da, litekeena alderdi nazionalistek indarra berreskuratzea, eta bi alderdi abertzaleen arteko lehian eragina izango du zatiketa politikoak".
EAJren ekitaldi politikoaren ostean, jaia Bilboko Areatzara eramango dute. 1.100 lagun inguruk herri-bazkaria egingo dute bertan.
EH Bildu
Bestalde, Iruñean Independentistak Sareak deitutako ekitaldian parte hartuko du EH Bilduk, "Guztion etorkizuna jokoan dago. Heldu independentziari!" lelopean, "guztion etorkizuna kolokan" dagoela ohartarazteko.
12:00etan martxa bat abiatuko da Golemetik, Sarasate Pasealekuraino. Ondoren, bertan egingo dute ekitaldi politikoa, eta hainbat kidek hitz egingo dute, tartean Adolfo Araiz Nafarroako Parlamenturako EH Bilduko zerrendaburuak.
Geroago, herri-bazkaria egingo dute Anaitasuna polikiroldegian, eta 'Indefesta' egingo dute arratsalde eta gaua partean. Musika-emanaldiek giroa berotuko dute Alde Zaharrean.
Joan den apirilaren 1ean, Aberri Egunaren harian EH Bilduk eta EH Baik zabaldutako dokumentuan, 'Euskal Bidea'rekiko konpromisoa azpimarratu zuen koalizio abertzaleak, erabakitzeko eskubidearen bitartez, "euskal Estatua" eraikitzeko asmoa, hain zuzen ere.
EH Bilduren iritziz, "erabakitzeko eskubidean ezartzeko ordua heldu da, euskal herritarren eskubide guztiak eta ongizatea bermatzen duen euskal Estatua behar dugulako".
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".