Gasteizko udaletxean ezkontzak larunbatetan izango dira
Gorka Urtaran (EAJ) Gasteizko alkateak iragarri duenez, larunbatetan soilik ospatu ahal izango dira ezkontzak udaletxean.
Javier Maroto Gasteizko alkate ohia ostiralean ezkondu zen udaletxean eta horrek kritikak eragin ditu, besteak beste, Hemen Gaude udal-taldearenak.
Gauzak horrela, Urtaranek jakinarazi du zorrotz aplikatuko dutela ezkontzen inguruko araudia eta, ondorioz, ezkontzak larunbatetan izango dira, 12:00etatik 13:30etara eta 18:30etatik 19:30etara. “Ez dut salbuespenik onartuko, arauak berdinak dira guztiontzat eta guztiok bete behar ditugu”, azpimarratu du.
Gasteizko udaletxean 1995etik egiten dira ezkontzak. Epe horretan 147 ezkontza egin dira ordutegi ofizialetik kanpo eta horietako 11 larunbat ez zen beste egun batean ospatu ziren.
Leticia Comeron PPko zinegotziak adierazi du aipatu salbuespenak “inoiz” ez direla albiste izan eta “inork inoiz” ez dituela kritikatu. “Baina orain ezkongaietako bat Javier Maroto izan denez, hautsak harrotu nahi izan ditu alkateak”, salatu du.
Ildo horretan, Comeronek gogora ekarri du Patxi Lazcoz alkate sozialista ohia ere ostiral batean ezkondu zela.
“Orduan ez zuten ezer esan, beste bikote batzuen ezkontzak ahalbidetzeko aukeratu zutelako ostiralean egitea; orain, berriz, EAJ Marotoren ezkontza modu zikinean erabiltzen ari da”, deitoratu du.
Maroto: "Inor ez izorratzeko egin nuen"
Bestalde, Marotok berak azaldu du "inor ez izorratzeko" ezkondu zela ostiral batean, udal araudiak debekatu egiten badu ere. Izan ere, "denek dute ezkontza lasaia izateko eskubidea".
Halaber, Patxi Lazcoz alkate ohia ere ostiral batean ezkondu zela gogorarazi du.
Marotoren hitzetan, bere ezkontzarekin PPk eta Espainiako gizarteak "bidea" egin du homosexualen arteko ezkontzen eztabaida bukatzeko. "Denek eskubide eta askatasun berdinak dituzte", aldarrikatu du.
Zure interesekoa izan daiteke
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziko magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.
Arabako Aldundiak ez du suhiltzailerik bidaliko Madrilera, bere lurraldean sute-arriskua dagoela eta
Astelehenean Espainiako Gobernuak baliabide gehiago eskatu zituen suteei aurre egiteko, eta EAEko hiru hiriburuetako udalek, Gipuzkoako Foru Aldundiarekin batera, bat egingo dute Bizkaiak Madrilen zabaldutako dispositiboan. Bitartean, hiru aldundiek partekatzen duten helikopteroak Euskadin jarraituko du.