Siriako bonbardaketetan parte hartzea baztertu du Espainiak momentuz
Jose Manuel Garcia-Margallo Atzerri ministroaren hitzetan, Espainiak Sirian militarki esku hartu ala ez erabakitzeko, “zuhurrena” abenduaren 20ko hauteskunde orokorrak egin eta Parlamentu berria osatu arte itxarotea da.
Azken hiru egunetan Frantziak bonbardaketak egin ditu Ar-Raqqan, Estatu Islamikoaren gotorlekuan, eta gutxienez 33 jihadista hil ditu erasoetan, Giza Eskubideen Siriako Behatokiak jakitera eman duenez.
“Senatu eta Kongresuko diputazio iraunkorrek erabakia hartzeko legitimitatea dute, baina zuhurrena Gobernu eta ganbera berriak osatu arte itxarotea da, Sirian militarki esku hartzea erabaki garrantzitsua delako”, azpimarratu du Margallok.
Momentuz Espainiari “ezer” eskatu ez diotela goraipatu du ministroak. Aldebakarreko erasoa egiterik ez dagoela adierazi du. Estatu Islamikoari aurre egiteko “egitasmo bateratu” bat beharrezkoa dela uste du Margallok.
Zentzu horretan, Espainia Estatu Islamikoaren aurkako koalizioan 300 soldadurekin parte hartzen ari dela gogorarazi du Atzerri ministroak. Irakeko Armada trebatzen ari dira, Estatu Islamikoaren aurrera egitea oztopatzeko.
“Fenomeno berri baten aurrean gaude eta estrategia zaharrek ez dute balio”, ohartarazi du Margallok. “Hidraren lepoa moztea garrantzitsuena” dela esan du ministroak, hau da, Sirian Estatu Islamikoa desegitea.
“Bakea nahi bada, Al Asadekin ados jarri behar gara, gutxienez aldi baterako. Rooseveltek ez zuen Stalin atsegin, baina naziekin bukatzeko ados jarri ziren, garaiko mehatxurik handiena zelako”, azaldu du buruzagiak.
Urkullu, gerraren aurka
Espainiak jihadismoaren aurkako gerra batean parte hartu behar ote duen galdetu diote Iñigo Urkullu lehendakariari. “Gerra guztien kontra” agertu da Urkullu. Nahiz eta “selektiboak” izan gerretan errugabeen heriotza saihestea ezinezkoa da, eta are gehiago, “gorrotoa birsortzen da”, azpimarratu duenez.
Bestalde, Ertzaintzak Espainiako alerta maila zehazteko mahaian parte hartu behar du ostegun honetan. Erabaki horrekin pozik azaldu da lehendakaria. Urkulluren ahotan, Ertzaintza “polizia integrala” da, “EBko gainerako poliziekin batera informazioan eta operazioetan” parte hartu behar du. Ondorioz, “abiapuntu” bat izatea espero du EAEko agintariak.
Terrorismoaren aurkako borrokari eta Siriaren egoerari buruzko informazioa emateko konpromisoa agertu zion Mariano Rajoy Gobernuko presidenteak lehendakariari telefono elkarrizketa batean, asteazkenean.
Terrorismoaren aurkako borrokan Gobernuak eman beharreko pausoen berri pertsonalki emateko eta demokraten batasuna aldarrikatzeko elkarrizketak hasi ditu Rajoyk. Asteartean Pedro Sanchez PSOEko idazkari nagusiarekin harremanetan jarri zen. Asteazkenean Albert Rivera Ciudadanoseko buruzagiarekin, Pablo Iglesias Podemoseko agintariarekin eta Urkullurekin hitz egin zuen Exekutiboko presidenteak.
Rivera Sirian militarki esku hartzearen alde agertu den buruzagi politiko bakarra da. Siriara tropak bidaltzeko aukerari buruz galdetu diotenean, honakoa erantzun du: “NATOren barruan bada, horretarako gaude NATOn”.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.