Estatu arrazoiengatik Masen inbestidura babesteko eskaria, Homsek CUPi
Estatu arrazoiak tarteko eta Estatu espainiarraren "erasoen" aurrean, "bat egitea" eta Artur Masen inbestidura erraztea eskatu dio Frances Homs Generalitateko jarduneko bozeramaileak CUP alderdiari.
CUPek militanteekin batzarra egingo du igandean, Junts pel Sirekin abiatutako negoziazioetan izan beharreko jarreraz eta inbestidura saio berri baten aurrean CUPeko 10 diputatuk eman beharreko botoaz eztabaidatzeko. Convergencia alderdiko kideak azpimarratu duenez, Junts pel Sik bere esku zeuden pauso guztiak eman ditu akordioa lortzeko eta, orain, erabakiak hartzeko garaia da.
"Estatuaren erasoen aurrean bat egitea espero dut CUPekoen aldetik", azpimarratu du; izan ere, haren esanetan Espainiako Gobernuari eman dakiokeen mezurik onena modu bateratuan erantzutea da.
EFE albiste agentziari eskainitako elkarrizketan, Homsek CUP kritikatu du Kataluniari eraso egiten ari zaion estatu espainiarra "seinalatu" beharrean begirada albokoarengan jartzeagatik.
Convergenciako buruzagiak aitortu du ez dituela CUPen zenbait politika partekatzen eta horietako batzuk "hondamendia" ekar dezaketela ere uste duela. Dena den, azpimarratu du "estatu arrazoiengatik" jarduteko garaia dela eta, horregatik, CUP "etsai" gisa ikustea baztertu du.
"Orain estatu arrazoiak nagusitu behar dira; izan ere, ezin dugu estatu bat izatearekin amestu estatu politikak egiteko gai ez bagara. Dena dugu jokoan", azaldu du Homsek. Ildo horretan, Homsek zehaztu du subiranismoaren aldeko bidean denen beharra dagoela eta ezin dela inor alboratu.
Bestalde, Homsek adierazi du CUPek ezin diola haren irizpidea inposatu Junts pel Siri 10 diputatu soilik izanda: "hori ez da politika egitea, erlijioa baizik".
lijioa baizik".Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.