Egibarrek posible ikusten du PPren aurkako hautabidea sustatzea

EAJren GBBeko presidente Joseba Egibarrek aitortu duenez, "teorian posible da" PPrena ez den beste gobernu baten hautabidea egotea, baina azpimarratu duenez, “gaiei heldu behar zaie", eta alderdi jeltzalea hori egiteko prest azaltzen da. Halaber, baieztatu duenaren arabera, "ez dirudi gertagarria, ezta gutxiagorik ere" PPren eta Ciudadanosen arteko koalizio bat konfiguratzea, EAJren babes puntualak izango lituzkeena.

Radio Euskadin (Parlamento en las ondas izeneko espazioan) egindako adierazpenetan, agintari jeltzaleak igandeko hauteskunde orokorretako emaitzen gainean hausnarketa egin du. Haren aburuz, une honetako gakoa zera da: "nolako urratsak emango dituzten orain Estatu espainiarreko alderdi nagusiek". Ildo horretatik, PPk hauteskundeak irabazi dituela esan du, baina bakartasun politikoan dagoela.

Aldi berean, PPren eta Ciudadanosen arteko balizko koalizio bati buruz galdetu diotenean (EAJren babes puntualak izango lituzkeena), Egibarrek aitortu duenez, "dena da posible, baina ez gertagarria, ezta gutxiagorik ere".

Lurralde ereduaren eta eredu politikoaren aldaketa jorratuko duen eztabaidan parte hartu nahi bada, EAJ prest dago, baina susmoa dut PP-Ciudadanos ustezko akordioa ez litzatekeela noranzko horretan joango".

Horrez gain, jeltzaleen ordezkariak uste du teorian posible ikusten du PPrena ez den beste gobernu baten aukera egotea, baina azpimarratu duenez, "gaiei heldu behar zaie eta alderdi jeltzalea hori egiteko prest dago".

Natalia Rojo (PSE-EE)

Saio berean, Natalia Rojo PSE-EEko parlamentarioak PSOEren balizko itunak izan ditu hizpide, eta horren harira azaldu du Alderdi Sozialista beti izan dela "alderdi arduratsu bat" ez duela ateraldirik izango.

Baieztatu duenez, PSOEko idazkari nagusi Pedro Sanchezek "oinarrizko marra gorri batzuk zehaztu ditu" eta "ez da PSOEren oinarrizko politikak hautsi ditzakeen marrarik igaroko".

Laura Garrido (PP)

Bere aldetik, Laura Garrido PPko legebiltzarkideak "arduraz jokatzea" eskatu die alderdiei gobernua eratzeko negoziazioetan, eta alderdi nazionalistei "une zail hauetan euren interes partikularren alde probetxua atera nahian ibiltzea" aurpegiratu die.

Oskar Matute (EH Bildu)

Oskar Matute EH Bilduko legebiltzarkideak, berriz, alderdi abertzalearen proiektua berriro definitzearen alde aurkeztu da “igandeko hauteskundeetan izandako emaitza kaskarren ostean”. Matutek barne-hartzailea eta erakargarria izango den proiektu bat formulatzea defendatu du, herritarren baldintzak hobetzeko balioko duena, abertzaleen zein abertzale ez diren ikuspegiaren arabera.

Gorka Maneiro (UPyD)

Gorka Maneiro UPyDko legebiltzarkideak ohartarazi duenez, alderdien arteko itunak "zerbaiten aurka” eratzen direla, eta ahalik eta itun zabalena egon dadila espero du herrialdearen batasuna eta Konstituzioa defendatzeko eta Espainiak behar dituen erreformak bultzatzeko".