Arraizek gaur deklaratuko du Guardia Zibilari 'xake-mate' esateagatik
Hasier Arraiz Sortuko presidenteak EAEko Auzitegi Nagusiaren aurrean deklaratuko du gaur, Bilbon, ustez Guardia Zibila larri iraintzeagatik.
Kereila Dignidad y Justicia elkarteak aurkeztu zuen. EH Bilduko legebiltzarkideak adierazpenak egin zituen, Guardia Zibilak Xake operazioan, 2015eko urtarrilaren 12an, presoen abokatuak atxilotu ondoren.
Egun horretan bertan eta urtarrilaren 14an Arraizek bi prentsaurreko eman zituen. Lehenengoan, euskal gizarteak Guardia Zibilari “xake-mate” eman behar ziola esan zuen, eta Euskal Herritik ospa egiteko eskatu zuen; bigarrenean, metaforarik gabe, Euskadin indarkeria bakarra Espainiako Estatuarena zela adierazi zuen. “Indarkeria mehatxu bakarra” Guardia Zibilarena eta gainerako “errepresio” indarrena zela erantsi zuen Arraizek.
Era berean, presoen abokatuak atxilotzeko helburua “mendekua” zela azaldu zuen Sortuko buruzagiak.
Hilabete batzuk geroago, EAEko Auzitegi Nagusiaren lan-arloko aretoak kereila onartu zuen, baina “Espainiari laidoa” ustezko delitua atzera bota zuen.
Ezker abertzaleko buruzagiaren adierazpenak Guardia Zibilaren kontrako “irain larriak” zirela ebatzi zuten magistratuek autoan. Epaileen ahotan, Guardia Zibila “indarkeria mehatxu, Estatu terrorista baten mendeku tresna errepresibo eta Euskal Herrian demokraziaren eta bake agertokiaren aurkako indar” bezala aurkeztu zuen Arraizek.
Salatutako gertakariak egiaztatzeko txostena bidaltzeko eskatu die Roberto Saiz epaileak Guardia Zibileko eta Ertzaintzako Informazio zerbitzuei. Era berean, “Estatuko segurtasun indarrak EAEtik eta Nafarroatik kanporatzea ETA erakunde terroristaren aldarrikapen historikoa” izan dela frogatzeko txostenak eskatu dizkie.
Bestalde, “Guardia Zibilak banda armatuaren 60 urteetan pairatu dituen jazarpen eta hilketen” inguruko beste txosten bat eskatu du.
Sortu: "Espainiako Estatuan jazarpen ideologikoa dago”
Arraizen auziperatzeak “adierazpen askatasunaren oinarrizko eskubidea urratzen” duela salatu du Sortuk agiri batean. Ezker abertzalearen hitzetan, “Espainiako Estatuan disidentziaren aurkako jazarpen ideologikoa dago”.
“Guardia Zibila eta Auzitegi Nazionala salbuespen tresnak dira egun, eta horregatik Euskal Herritik desagertu behar direla uste dugu”, gaineratu du Sortuk.
Sortuko Kontseilu Nazionaleko ordezkaritza batek eta EH Bildu koalizioko kideek Arraiz Bilboko Justizia Auzitegira arte lagunduko dute gaur.
duko dute gaur. duko dute gaur.Zure interesekoa izan daiteke
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian eskainitako elkarrizketan Aitor Esteban EAJren EBBko presidenteak adierazi duenez, 2027ko hauteskundeen "aurrekanpaina giroa aurreratu da, eta PSE horretan buru-belarri ari da".
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko lehen izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.