'Iñigo Gogoan'ek salatu du ezin dela auzia epaiketarik gabe itxi
'Iñigo Gogoan' herritarren plataformak antolatuta, elkarretaratzea egin dute gaur Bilboko Epaitegien aurrean. Lau urteko instrukzioaren ostean, "jende askok" ez luke onartuko Iñigo Cabacasen auzia epaiketarik gabe amaitzea, bertan salatu dutenez.
Horien arabera, epaiketarik gabe amaitzea ulertuko ez luketen lehenak "Manu eta Fina" gurasoak izango lirateke. Elkarretaratzean izan dira gaur, Bilboko Epaitegien parean, aditu batzuek bideoaren azterketari buruz bideokonferentziaz deklaratzen zuten bitartean.
David Gonzalez plataformaren bozeramaileak esan du ez dutela esperantza handirik aditu horiengan. Ekainean amaituko da instrukzioa, eta azken izapideetako bat da hori.
Apirilean, seigarren ertzainak deklaratuko du, Ana Torresek ikertuen artean sartu zuena, aurretik inputatutako beste bost ertzainekin batera.
Instrukzioa "gomazko pilota jaurti zuena identifikatzera mugatu dute", Gonzalezen esanetan, baina "dispositiboa antolatu zutenak, tiro egitea agindu zutenak eta gogor jotzeko agindua eman zutenak" ere badaude, eta horiek ere epaitu beharko lirateke, horren iritzian.
"Iñigoren auzia horrenbeste luzatu ostean", ea azkenean ezer ez zela gertatu eta errudunik ez dagoela esan behar duten galdetu du 'Iñigo Gogoan' plataformak.
Horren harira, errudunen artean "ez dira egongo agintari polizialak eta arduradun politikoak", horien ustez.
Gonzalezek azpimarratu duenez, 'Ugarteko' berriro egongo da epaitegian, "salaketa jarri baitu familiaren abokatuaren eta komunikabide baten kontra (Gara eta Jone Goirizelaia), guztiarekin kargatzeko horren agindua jaso zuen grabazioa zabaldu izanak eragindako kalte moralak direla eta".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.