Gasteizek bide judiziala hasiko du Martxoak 3ko gertakariak argitzeko
Gasteizko udaletxean, Udalbatzak erabaki du Espainiako epaitegietan bide judiziala hastea Martxoak 3ko gertakariak argitu eta ardura penalak eskatzeko.
PP izan da kontrako botoa eman duen talde bakarra, eta Javier Maroto zinegotziak biktimen senideei esan die epaitegietan ez duela aurrera egingo helegiteak.
“Altxamenduak diktadura ekarri zuen eta horrek sistematikoki urratu zituen ehunka mila pertsonen oinarrizko giza eskubideak 40 urte oso luzeetan”, salatu du mozioak, Udalak agiri batean azaldu duenez. “Testuinguru horretan gertatu zen 1976ko martxoaren 3ko hilketa, Espainiako Polizia Armatuak burututa”, erantsi du testuak.
“Gertakari horiek astindu egin zuten Gasteizko hiria, eta gaur egun ere, 40 urte geroago, eta Martxoak 3 Elkarteak erabakitasunez etengabeko eskaria egin arren, jarraitzen dugu hildako pertsonak bortizkeriaren biktimak izan zirela onartu gabe, eta, beraz, egindako kaltea onartu eta konpondu gabe”, kritikatu dute mozioan.
Biktimei eta haien senitartekoei elkartasuna adierazi ondoren, Udalbatzak “justizia-administrazioaren jarduera eza egiaztatu du eta giza eskubideei buruzko nazioarteko araudiaz jabetzeko” eskatu dio, eta beraz, “gertaera izugarri haiek aztertzeari ekiteko, modu horretan, horrek ekar ditzakeen erantzukizun penalak ezarri ahal izateko”.
Gasteizko Udalbatzak Espainiako Gobernuari eskatzen dio 1976ko martxoaren 3ko biktimei dagozkien “aitorpena eta ordaina emateko, terrorismoaren biktimekin parekatuta”.
Argentinako kereila
Gainera, Udalbatzak erabaki du frankismoaren biktimei buruz Argentinako jurisdikzioak daraman prozeduran udala akusazio gisa agertzea.
Azkenik, Udalbatzak erabaki du Espainiako epaitegietan ekintza judizialei hasiera ematea, gertakariak argitu ahal izateko eta dagozkien “erantzukizun penalak eta bestelakoak eskatzeko”, frankismoaren diktadurak gizateriaren aurka egindako krimenei buruz, 1976ko martxoaren 3ko sarraskia barne.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.