Aberri Eguna eta nazio aldarrikapena lotuta doaz, Ortuzarren arabera
Andoni Ortuzar EAJren EBBko presidenteak Aberri Eguna ospatzeko deia egin die euskal herritar guztiei eta nabarmendu du jeltzaleentzat ez duela zentzurik nazio aldarrikapenik gabeko Aberri Egunak, hots, Euskadi nazioa dela berretsi gabe.
"Guretzat Aberri Eguna eta Euskadi gauza bera dira, lotuta dauden hiru hitz dira; ez dugu nazio aldarrikapenik gabeko Aberri Egunik irudikatzen, hots, Euskadi gure nazioa dela aldarrikatu gabe. Zaila iruditzen zaigu bi nazio dituzten pertsonak egotea, baina ikuspuntu guztiak errespetatzen ditugu", azaldu du.
Ortuzarren esanetan, jeltzaleek begi onez hartu dute abertzale ez direnek ere Aberri Eguna ospatzea, Ahal Duguri erreferentzia eginez. Ildo horretan, aitortu du jeltzaleei zaila iruditzen zaiela bi nazio dituzten pertsonak izatea, baina errespetatu egiten dutela.
Aberri Egunaren bezperan urtero egin ohi duten bezala, jeltzaleak Bizkargi mendira igo dira Aberri Eguneko ekitaldietan parte hartzeko deia egitera. Ortuzarren hitzetan, "ospakizun eta aldarrikapen" eguna izango da biharkoa.
EAJk Bilboko Plaza Barrian egingo du Aberri Eguneko ekitaldi nagusia bihar, igandea, 11:30etik aurrera "Bultzada Berri Bat" lelopean. "Euskadiri bultzada berri bat eman behar zaio, euskal autogiobernuari bultzada berri hori eman behar zaio", azpimarratu du.
Bestalde, "euskarri sendoetan" oinarritutako euskal autogobernuaren alde hitz egin du. "Euskadi nazio bat da eta nazio gisa eskubide politiko batzuk ditu: lehena, bere etorkizuna libreki erabakitzeko eskubidea; gero, Estatuarekiko harremana, aldebikotasunean, berdintasunean oinarrituta egon behar duena", azaldu du.
.
>
.
>
.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".