Espainia 'arduraz' jokatzen ari da errefuxiatuekin, Rajoyren arabera
Mariano Rajoy Gobernuko jarduneko presidenteak gaur Kongresuan azaldu duenez, "Espainia arduraz eta elkartasunez" jokatzen ari da Europara datozen errefuxiatuen krisiaren harira, eta EBren eta Turkiaren arteko akordioak errefuxiatuen deportazio kolektiboen debekua jasotzea lortu zuela gaineratu du.
Mariano Rajoy Kongresuan izan da gaur agerraldia egiten, lehen aldiz, legealdia bukatu zenetik, Europako Kontseiluan eta Turkiako Goi-bileran martxoaren erdialdean hartutako akordioen inguruan informatzeko. Rajoyren hitzetan, Turkiarekin sinatutako akordioaren idazketan "Espainiak argi utzi zuen ezin zuela legeak (Europar legeria zein nazioartekoa) erabat errespetatzen ez zituen irtenbideak onartu".
Ondorioz, akordio horretan Espainiak EBri bi kontu barneratzeko eskatu zizkiola aitortu du. Alde batetik, "deportazio kolektiboen debeku zehatza, eta asilo babesaren txostenen banan-banako tramitazioa". Espainiako Gobernuak martxoaren 16an talde parlamentario guztiek onartutako erakunde-adierazpenaren edukiarekin bat egin duela esan du Rajoyek. Izan ere, Europar Batasunaren eta Turkiaren arteko deklarazioan honako berme hauek barneratzea lortu duela azaldu du: "Europako eta nazioarteko legediaren begirune zehatza eta edozein kaleratze kolektiboren debekua, banan-banako asilo babesen txostenen kudeaketa eta biztanleria ahulenari arreta berezia eskaintzea".
Aipatutako akordioarekin "Europar Batasunean sartzeko legezko eta kalterik gabeko bidea bermatzen da, pertsonen segurtasuna zainduz", gaineratu du jarduneko Espainiako presidenteak. Ildo horretan, “Espainiako Gobernuaren jokabidearen helburua bizitzak salbatzea, babesa behar dutenei laguntza ematea, kanpo-mugak egoki babestea eta pertsonei beste modutatako aukera ematen dien immigrazio bide legalak eskaintzea” izan dela esan du.
Bestalde, Rajoyk azaldu du Gobernuak "errefuxiatuei laguntzeko neurri bereziak" hartu eta "nazioarteko babesaren harira diru-laguntzak handitu" dituztela azpimarratu du. "Aurrekontuen gehitze esfortzu berezi" horrekin Gobernuak "Espainiako mugetara heltzen diren errefuxiatuei laguntzea eta Europar Batasunak ezarritako kokaleku berrien kopuruarekin bat egitea" espero du.
Erreakzioak
Pedro Sanchez PSOEko idazkari nagusiak "lotsagarritzat" jo du Mariano Rajoyren Gobernuak errefuxiatuen politikaren harira hartutako jarraibidea. Ildo horretan, Kongresuan alderdi ezberdinek adostutako akordioa “alde batera utzi” izana gaitzetsi du.
Bestalde, Pablo Iglesias Podemoseko idazkari nagusiak "subiranotasunari errespetua galdu izana" egotzi dio Rajoyri. Albert Riveraren ustez, Europa atzera egiten ari da migrazio kontuetan, eta Turkiarekin sinatutako akordio horren ostean, Europak ezinezkoa du bermatzea giza eskubideak betetzen direla.
Europar Batasunak errefuxiatuen auzia Turkiaren esku utzi izana kritikatu du Aitor Estebanek (EAJ). Izan ere, “trukada” horren ondorioz, "Europako balioak ahaztu eta nazioarteko legea baztertu" egiten dela eta horrek "arazoak" ekarriko dituela uste du.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.