Sortu:'Espetxe frontetik espetxeak husteko frontera pasatzeko unea da'
Pernando Barrena Sortuko bozeramaileak esan du “espetxe frontetik espetxeak husteko frontera pasatzeko unea” iritsi dela, eta, ildo horretan, gogora ekarri du “presoak kaleratzeko prozesua abiarazteko nahikoa dela egun indarrean dagoen legedia aplikatzea”.
Barrena agerraldia egin du Donostian eta halaxe erantzun du kazetariek Amnistiaren Aldeko eta Errepresioaren Kontrako Mugimenduak (ATA) ustez euskal presoei igorritako gutunei buruz egindako galderen aurrean.
Antza, ATAk “espetxeetako legedia ez onartzeko”, beren “borrokari eta militantziari” uko ez egiteko eta “damurik ez agertzeko” dei egiten die presoei aipatu eskutitzetan.
Gauzak horrela, Barrenak berretsi egin du Sorturen helburuetako bat dela “presoak berehala etxeratzea”. “Konponbideak bilatzeko, gatazka amaitzeko eta gatazkak eragindako ondorio guztiak bukatzeko testuinguruan, presoak kaleratzeko prozesua abiarazteko ez da beharrezkoa legedia aldatzea, nahikoa da egungo espetxeetako araudia aplikatzea, eta horretarako borondate politikoa soilik behar da”, azaldu du.
Hortaz, “garaia heldu da espetxeetako frontetik espetxeak husteko frontera pasatzeko. Uste dut esaldi horrek eduki politiko esanguratsua daramala bere baitan”, erantsi du.
Manifestazioa Bilbon
Bestalde, Sortuk deia egin dio euskal gizarteari datorren igandean euskal presoen eta iheslarien etxeratzearen alde Bilbon egingo den manifestazioan parte hartzeko. Mobilizazioa 12:00etan abiatuko da, Casillatik. Barrenak antolatzailek preso ohiak izatean nabarmendu du.
“Euskal Preso Politikoen Kolektiboko partaide izan diren 1.600 pertsonek deitu dute manifestazioa; espetxea eta erbestea zer den badakite; guztien artean 15.000 urte baino gehiago egin dituzte preso eta, beraz, gatazka politikoak herri honetan eragin duen sufrimenduaren zati bat ordezkatzen dute”, azpimarratu du.
“Gai honekiko erakutsi duten jarrerak balio erantsi handia suposatzen du, balio kualitatiboa nahiz kuantitatiboa”, gaineratu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.