Soria jarduneko ministroak uko egin dio karguari
Jose Manuel Soria orain arte jardunean egon den Industria, Energia eta Turismo ministroak karguari uko egin dio. Ohar bidez jakinarazi du albistea Soriak. Bertan dioenez, erabakia "atzeraezina" da eta, dagoeneko, Mariano Rajoy Espainiako Gobernuko jarduneko presidenteari helarazi dio.
Diputatu kargua eta Karanietako PPren Presidentetza ere utzi ditu. Hala, Maria Dolores de Cospedal Alderdi Popularreko idazkari nagusiari modu ofizialean jakinarazi dio "ardura politikoei" uko egingo diela. Jardunean egonda, ezin du dimisiorik eman, karguari uko egin baizik.
Abenduaren 20ko hauteskundeak egin zirenetik, jardunean daude Espainiako Gobernuko kide guztiak. 'Panamako paperen' eskandalua lehertu ondoren utzi ditu bere ardurak Soriak. Atzo, bestalde, Jersey uharteko paradisu fiskalean beste 'offshore' sozietate bat izan zuela zabaldu zen.
Hori argitaratu orduko, Industria karguari uko egingo zion zurrumurruak zabaltzen hasi ziren. Atzo gaueko azken orduan, Soriak berak jakinarazi zuen ez zuela gaurko Ministro Kontseiluaren bileran parte hartuko.
Gobernuko kide guztiak jardunean daudenez, Rajoyk ezin du ordezkorik izendatu. Exekutiboko beste norbaitek hartu beharko ditu, Gobernu berria osatu bitartean, Soriak orain arte zituen ardurak.
'Okerrak'
Goizean kaleratutako oharrean jakitera eman duenez, azken egunotan "okerrak" egin ditu, "bata bestearen atzetik", paradisu fiskaletan izan dituen enpresen harira eta bere azken 20 urteotako jarduera ekonomikoa argitzeko azalpenak eman dituenean, eta horregatik hartu du kargua uzteko erabakia.
Azken egunotan azalpenak eman dituenean "okerrak" egin dituela onartu du dagoeneko ministro ohi denak, baina "duela 20 urte baino gehiago izandako gertakari batzuen gaineko informazio faltak" eragin ditu horiek, horren esanetan; nolanahi ere, enpresa jarduera horiek ez dutela bere ardura politikoekin inolako loturarik izan nabarmendu du.
"Politikak, une oro, eredugarria izan behar du, pedagogian eta azalpenetan. Hala ez denean, nork bere erantzukizunei aurre egiten jakin behar da", esan du agirian.
"Ardura politiko osoa" utziko duela zehaztu du Soriak idatzian. "Agerikoa da egoera honek Espainiako Gobernuari, nire kideei eta boto-emaileei kalte egiten diela", gaineratu du.
Montorok: "Ezin du egon"
Cristobal Montoro jarduneko Ogasun ministroak Jose Manuel Soria Industria ministroak karguari uko egin eta ordu gutxi geroago azpimarratu duenez, "paradisu fiskaletan ibili den inork ezin du Gobernuan egon".
Ministro Bileraren ondotik egindako prentsaurreko batean, Montorok zehaztu egin du oraindik baieztatzeke dagoela Soriak halakorik egin duenik. Halere, argi utzi du susmo txarra hartzeko "zantzurik" duenak ezin duela Gobernuan egon, kontuan hartuta bizi duen egoera (Gobernuak). Arduradun publikoek -esan du Montorok- betebeharrak dituzte eta argi izan behar dute zeintzuk diren mugak.
Ministerioa, De Guindosen esku
Mariano Rajoy Espainiako Gobernuko jarduneko presidenteak onartutako Errege Dekretu baten bidez, Luis de Guindos Ekonomia eta Lehiakortasun jarduneko ministroak Industria, Energia eta Turismo Ministerioko "ohiko bulegoa" bere gain hartuko du, Presidentetza Ministerioak zabaldu duenez.
Hala, Rajoyk -bere atribuzioez baliatuta- agindu duenaren arabera, "Soriaren uko egiteak utzitako postuaren ondorioz, Ekonomia eta Lehiakortasun ministroak aipatutako departamentuari dagozkion gaien bulegoa" hartuko du bere gain.
De Guindosek ekonomian duen gaitasunaz gain, Cuzcoko bulegoetan elkarrekin lan egitea ekonomia ministroak izango duen erraztasunetako bat izango da.
Gaienera, aurreikusi dutenez, Guindos Industria Ministerioan lan egiten duten gainerako goi kargudunekin bilduko da astelehenean, esaterako, Alberto Nadal Energia estatu idazkariarekin, Victor-Calvo Sotelo Telekomunikazioetako estatu idazkariarekin eta Isabel Borrego Turismo estatu idazkariarekin, hartu-emana abiarazteko eta larrialdi handiko gaiak mahaigaineratzeko.
Kanarietatik, Ministeriora
1958ko urtarrilaren 5ean jaio zen Las Palmas Kanaria Handikoan. Ekonomia eta Enpresa Zientzietan lizentziaduna, ezkonduta dago eta bi seme-alaba ditu. Estatuko Merkataritza eta Ekonomia Teknikarien taldeko kidea da.
Las Palmaseko alkatea izan zen 2003-2007 legealdian, eta Kanarietako Gobernuko presidenteordea eta Ekonomia eta Ogasun kontseilaria 2007-2010 aldian.
2008an Alderdi Popularrak izandako beherakadaren ostean, Mariano Rajoyren bidelagun nagusienetakoa izan da, PPren eraberritze prozesuan. Valentziako Kongresuan hasi zuten bide hori, eta bertara eraman zuten ponentzia politikoaren egileetako bat izan zen Soria. Testu horrek, besteak beste, Maria San Gil Euskadiko PPren orduko presidentearen dimisioa eragin zuen.
2011n Industria ministro kargua hartu zuen. Kolore anitzetako gobernu eta exekutiboetan zuen eskarmentua eta ekonomia munduan zuen esperientzia hartu zituen aintzat Rajoyk Soriari Industria Ministerioaren ardura emateko.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.