EAJk irabaziko lituzke hauteskundeak; Podemos eta EH Bildu, berdinduta
EAEko hauteskundeak gaur egungo balira, EAJk irabaziko lituzke eta Podemos Euskadik eta EH Bilduk eserleku kopuru bera lortuko lukete. Hori da 'EiTB Focus'k boz autonomikoen harira herritarrek duten boto-asmoari buruz egindako inkestaren ondorio nagusia. Galdeketaren arabera, EAJk 27 eserleku lortuko ditu Eusko Legebiltzarrean; bigarren postuan lehia estua aurreikusi du inkestak, Podemos Euskadik eta EH Bilduk 15na eskuratuko bailukete. PSE-EEk 10 ordezkari izango lituzke ganberan; PPk, 7; eta Ciudadanosek, bakarra.
Euskal Irrati Telebistak 'EiTB Focus' boto-asmoaren inguruan egindako inkesta publiko handiena kaleratu du 2016ko apirilaren 21 honetan. Herritarrek hainbat gairen inguruan duten iritzia ezagutzeko asmoz, beste hainbeste galdeketa egingo ditu euskal komunikazio taldeak. Emaitzok aletzeko programazio berezia prestatu du ETBn eta Radio Euskadi, Radio Vitoria eta Euskadi Irratia irratietan. Horrez gain, eitb.eus-eko webgune berezian inkestaren nondik norako guztiak kontsultatu daitezke.
Gizaker inkesta-etxeak EiTBko albistegi zerbitzuetarako egindako ikerketak zatika eskainiko ditu Euskal Irrati Telebistak. Bi alor izango ditu azterketak: bata, gai egonkorren ingurukoa (boto-asmoa, batez ere), eta bestea, gai tematiko bati buruzkoa. Hain justu, hezkuntzaren ingurukoa izango da lehen atal tematikoa.
2016ko EAEko hauteskundeak
Euskal Autonomia Erkidegoan (EAE) aurten egin beharreko bozetan zein alderdiren alde egingo duten galdetu diete herritarrei. Horren arabera, galdekatutakoen % 35ek EAJri emango lioke botoa. Jeltzaleek 2012ko emaitzak apur bat hobetuko lituzkete, gainera. Podemos Euskadik botoen % 19,1 eskuratuko luke, eta eserleku kopuruan EH Bildurekin berdinduta geratuko litzateke (abertzaleek babesa galduko dute, 2012ko hauteskundeekin alderatuta). PSE-EEk zartakoa hartuko luke sei ordezkari galdu eta 10ekin geratuta. PPk ere hiru ordezkari gutxiago izango lituzke (7), eta UPyDk 2012tik duen ordezkaria galduko luke, Ciudadanosen mesedetan.
Lurraldeka, EAJk irabaziko lituzke bozak Araban, eta Podemos Euskadi bigarren indar izango litzateke. Hirugarren postuan, berdinduta egongo lirateke EH Bildu eta PSE-EE. Ciudadanosek eskuratuko luke UPyDk 2012an lortutako ordezkaria.
Bizkaian, jeltzaleek garaipen sendoa eskuratuko lukete, 11 legebiltzarkiderekin. Podemos Euskadik bost ordezkari izango lituzke; EH Bilduk, lau; PSE-EEk, 3; eta PPk, 2.
Gipuzkoan ere EAJ nagusi 9 eserlekurekin. EH Bilduk 7 izango lituzke; Podemosek, 5; PSE-EEk, 3; eta PPk, 1.
Balizko itunak
Euskal herritarrek gobernua osatzeko nahiko lituzketen itunei buruz galdetuta, ondoko hauek lehenetsi dituzte galdetutakoek: EAJren eta EH Bilduren arteko bat aipatu dute gehienek. Gero, jeltzaleen eta sozialisten artekoa; eta hirugarren aukera moduan, Podemos Euskadik eta EH Bilduk osatutakoa.
Buruzagi politikoei eta balizko lehendakarigaiei buruz duten iritzia itaunduta, bestalde, honako zerrenda azalarazi du 'EiTB Focus'ek:
Lehendakaria nor izatea nahi duten ere galdetu diete herritarrei. Hauexek dira gehien atera diren izen-abizenak (zerrenda itxirik ez diete eman):
Fitxa teknikoa
Inkesta EAEn egin da, 1.200 lagunen artean (laurehun bana lurralde bakoitzeko), % 95eko konfiantza mailarekin.
Eremu ikerketari dagokionez, 2016ko apirilaren 13 eta 14 egunen artean egindako lana izan da, telefono bidezko elkarrizketen bidez.
Ildo horretan, analisi kuantitatiboa erabili dute ikerketa egiteko, telefono bidezko elkarrizketen teknikarekin.
Inkesten % 21,1 euskaraz izan dira eta gainerako % 78,9 gaztelaniaz. Inkestaren batez besteko iraupena 11 minutukoa izan da.
Biharkoa, Hauteskunde Orokorren ingurukoa
Apirilaren 22an, EiTBk ezagutzera emango ditu agian izan daitezkeen Hauteskunde Orokorrei begira Arabako, Bizkaiko eta Gipuzkoako boto-asmoaren inguruan 'EiTB Focus'ek egindako inkestaren datuak. Halaber, ostiral gauean, 'En Jake 200' saio bereziaren barruan, eta larunbatean zehar, hezkuntzaren inguruan herritarrek duten iritziaren nondik norakoak eskainiko ditu EiTBk.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.