Geroa Baik eta EH Bilduk ez dute baztertzen koalizioa orokorretarako
Geroa Bai eta EH Bilduko parlamentu-bozeramaileek esan dutenez, bi indarrak prest daude Nafarroan aztertzeko ea aukerarik dagoen adosteko Kongresurako hauteskunde-koalizio bat. Biek, halaber, hitz egin dute koalizio horretan Podemos eta Izquierda-Ezkerra ere egoteko aukeraz.
Geroa Baiko Koldo Martinezek kazetariei Nafarroako Parlamentuan esan die abenduaren 20ko hauteskundeetarako "jarrera oso argia" izan zutela, alegia, bakarrean aurkeztea, nahiz eta ordezkaritzarik ez lortu.
Orain, hauteskundeak berriro deituko balituzte, adierazi du, prest leudeke "aukera guztiak aztertzeko"; besteak beste, Nafarroako Gobernuan dauden lau alderdiak elkarrekin joatea (Geroa Bai, EH Bildu, Podemos eta Izquierda-Ezkerra), edo soilik EH Bildurekin batera joatea. EH Bilduk ere ez zuen diputaturik lortu Nafarroan. "Dena aztertu ahala, aukerak zehaztuko dira", azaldu du.
Araizen apustua: Nafarroako Gobernuko lau alderdien arteko koalizioa
EH Bilduko bozeramaile Adolfo Araizek, ordea, esan du bere apustua dela koalizioa Nafarroako Gobernuan dauden lau alderdien artean egitea, alegia, Geroa Bai, EH Bildu, Podemos eta Izquierda-Ezkerraren artean osatzea. Araizek, dena den, nabarmendu du ez dutela erabakirik hartu, oraindik.
Akordio zabal horretarako, ezinbestekoa da jakitea Podemosen jarrera zein den; Araizek premiatu du Podemos, ahalik eta lasterren gai hau argitzeko; izan ere, hauteskunde orokorrak deitu orduko jakin beharko lukete "zein jarrera duten indar politiko guztiek".
Araizek esan du zalantza handiak dituela Podemosekin, ez dakiela baterako balizko zerrenda horretan parte hartzeko asmorik izango lukeen: "Datorren asterako dena argituta egon beharko litzateke".
Podemosek ere ez du baztertzen
Podemoseko bozeramaile Laura Perezek gogorarazi du nola alderdiko kideek "argi" esan zuten, abenduko hauteskundeak egin aurretik, bakarrik aurkeztea zela apustua, baina orain, "bigarren itzulera izango dela ikusita, eta salbuespen-egoera honetan", ez dute baztertzen hauteskunde-itunak ixtea: "Militanteek erabaki beharko dute", nabarmendu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.