Sanchezek batasuna eta konfiantza eskatu ditu hauteskundeak irabazteko
Pedro Sanchez PSOEko idazkari nagusiak "batasuna eta konfiantza" eskatu dizkie alderdikideei ekainaren 26ko hauteskundeak irabazi ahal izateko.
Alderdi Sozialistak Batzorde Federalaren bilera egin du gaur PSOEk Madrilgo Ferraz kalean duen egoitzan, eta Espainiako Gobernuko presidentegaia aukeratzeko barne hauteskundeak deitu ditu eta hauteskunde zerrendak osatzeko prozesuari ekin dio.
"Garrantzi handiko garai honetan, ekainaren 26ra bitartean, batasuna eta zuen idazkari nagusiarekiko konfiantza eskatu nahi dizkizuet", adierazi du buruzagi sozialistak.
Sanchezen esanetan, PSOE irabazteko "baldintza hobean" dago orain herritarrek aldaketarako alderdi gisa ikusten ei dutelako, hitzemandakoa betetzen duela ikusi dutelako eta interes orokorrak interes partikularren gainetik jartzen dituela antzeman ei dutelako.
Pablo Iglesias Podemoseko idazkari nagusiari erreferentzia eginez, Sanchezek ziurtatu du bera beste buruzagi batzuk baino umilagoa dela eta ez duela zerua erasotzeko asmorik, espainiarrak eskuineko politiken infernutik ateratzea baizik.
Porrot egin zuen inbestidura saioari dagokionez, Sanchezek onartu du aldaketarako aukerak egon bazeudela, baina azkenean ez zela posible izan. Hala ere, azkenean aldaketa izango dela nabarmendu du. Ildo horretan, PSOEren etsaia ez dela Podemos azpimarratu du, desberdintasuna, ustelkeria eta lanerako aukera falta baizik.
"Ekainaren 26ko aukera argia da: aldaketa edo ekainaren 20ko hauteskunde emaitzak onartu ez zituen Espainiako Gobernuko presidentearen inmobilismoa", adierazi du. Bestalde, Sanchezek uko egin dio Rajoyrekin koalizio handia osatzeari, eta ustelkeria kasuen erantzukizuna bere gain ez hartzea eta espainiarrek eskatzen ei duten birsorkuntza demokratikorako nahiei erantzuna ez ematea leporatu dio.
Buruzagi sozialistaren hitzetan, aldaketarako aukera bakarra PSOE, Ciudadanos eta Podemosen arteko ituna da eta sozialistek horren aldeko apustua egingo dute ekainaren 26tik aurrera ere.
Alderdi barruko hauteskundeak
Sozialistek hasiera eman diote Espainiako Gobernuko presidentegaia aukeratzeko barne hauteskunde prozesuari, eta Sanchezek esan du pauso bat aurrera emango duela eta berriz ere presidentegai izateko hautagai izango dela.
Bihar irekiko da hautagaitzak aurkezteko epea eta maiatzaren 7ra bitartean zabalik egongo da. Dena den, aurreikuspenen arabera, Sanchezek ez du aurkaririk izango eta beraz ez ei da beharrezkoa izango militanteei galdetzea.
Bestalde, hauteskunde zerrendei buruzko eztabaida bertan behera uzteko eta Podemosi hainbatetan egotzi izan dion besaulkiei inguruko borroka alboratzeko eskatu die Sanchezek alderdikideei. "Gu ez gara Iglesias bezalakoak", gaineratu du.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.