Erabakitzeko eskubidea 'argitzeko' akordioa proposatu du EAJk
Euskadiren estatus politikoa gaurkotzeko oinarriak jasotzen dituen dokumentua aurkeztu die gaur EAJk PSE-EE, PP eta UPyD alderdiei, bilera banatan. EH Bilduk bilera-erronda horretan parte ez hartzea erabaki du asteon, ekimenak "antzerki-politika" kutsua duela argudiatuta.
Jeltzaleen dokumentuak erabakitzeko eskubidea argitzeko premia jasotzen du. Eskubide hori gauzatu ahal izateko baldintzak adostea proposatu die EAJk gainerako alderdiei. Halaber, testuaren arabera, Estatuko erakundeek errespetatu egin beharko dituzte EAEko herritarrek "legezko prozedurak eta arauak" jarraituz, "etorkizun politikoari buruz hartutako erabakiak".
Andoni Ortuzar EBBko presidenteak aurkeztu die dokumentua sozialistei, popularrei eta UPyDko kideei, goizean, Eusko Legebiltzarrean. Bilerak egin eta gero, hedabideen aurrean agertu da jeltzaleen burua. Horren iritzian, legealdi honetan bertan gai honen inguruan EAJ, EH Bildu eta PSE-EE akordio batera iristeko zimenduak egon badaude. Seguruenik udazkenean egingo diren hauteskunde autonomikoak baino lehen gutxieneko akordio batera iristeko aukera ikusten du, datozen lau urteotan sakontzen jarraitu ahal izateko.
Euskadi eta Estatuaren arteko harreman juridikoa aldatzea aurreikusten du proposamenak, horretarako, aldeen arteko negoziaketa eta akordioa beharrezkoa izanik. EAJk gutxieneko oinarri batzuk adostu nahi ditu bi asteko epean, hurrengo legealdian landu eta garatzeko.
Datozen asteotan ezker abertzaleari dokumentua aurkeztea espero du Ortuzarrek.
Erreakzioak
PPk eta UPyDk bilerak amaitu orduko eman dute dokumentuari buruzko iritzia. "Adarjotzea amaitu da", esan dio Borja Semper PPko bozeramaileak EAJri. Estatus politikoa aldatzeko eztabaida "erabakitzeko eskubidea" bezalako eufemismoen bidez "independentzia epeka lortzeko" erabiltzea ez duela onartuko nabarmendu du.
Ildo beretik mintzatu da Gorka Maneiro UPyDko legebiltzarkidea ere. Horren iritzian, Ortuzarren azken helburua independentiza da, eta bere alderdiak ez du akordiorako zirrikitu txikienik ere ikusten bide horretan.
PSE-EEk ez du hitz egin bileraren ostean.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.