Foruzaingoaren 30 buruzagik dimisioa eman dute
Foruzaingoaren 30 buruzagik dimisioa eman dute, Nafarroako Polizia Lege berriaren aurkako daudelako.
Atzo arratsaldean eta gaur goizean bilerak egin dituzte eta egoera aztertu ostean kargua uzteko erabakia hartu dute. Hala jakinarazi du Foruzaingoaren Elkarte Profesionalak.
Hiru dira dimisioa eman ez duten goi-kargu bakarrak: komisario nagusia, komisario bat eta bitarteko inspektore bat.
“Asteburu honetan jada ez da unitate arduradunik izango”, adierazi du Santiago Arraiza Foruzaingoaren Elkarte Profesionaleko idazkari eta Foruzaingoaren Pertsonal Batzordeko presidenteak.
“Nafarroako Polizia Lege berriak ekarriko dituen soldata eta ordutegi aldaketak dira dimisio hauen guztien atzean dauden arrazoiak; lankide askori ordainsaria murriztuko diete eta hemendik aurrera unitateak kudeatzeko arazoak izango dira”, azaldu du Juantxo Zabalza Foruzaingoaren Elkarte Profesionaleko presidenteak.
Araudi berria joan den legegintzaldian onartu zuen Nafarroako Parlamentuak eta urriaren 1ean sartuko da indarrean. Alabaina, aurretik, Foru Gobernuak lege berria abian jartzeko dekretua onartu beharko du.
Araudiaren zirriborroa aintzat hartuta, 256 poliziari jaitsiko diete soldata; 700 bati, berriz, igo.
Foru Gobernua: "Ez dugu xantaiarik onartuko"
Bestalde, Maria Josem Beaumont Barne kontseilariak esan du Nafarroako Gobernuak ez duela xantaiarik onartuko eta legea bete egin behar dela, “kontrakoa prebarikazioa litzatekeelako”.
Foruzaingoaren araudian dimisioak aintzat hartzen ez direla zehaztu du eta, beraz, lasaitasunerako mezua igorri du. Aipatu buruzagiek arduraz jokatuko dutela eta herritarren segurtasunerako zerbitzua bermatuta egongo dela ziur agertu da.
Kontseilariak agerraldia egin du Foruzaingoaren 30 buruzagi eta arduradunek dimisioa eman dutela jakin ostean.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.