Fiskalak 3.860 urteko kartzela-zigorra eskatu Mikel Karrerarentzat
Auzitegi Nazionaleko fiskalak 3.860 urteko kartzela-zigorra eskatu du Mikel Karrera Sarobe ETAko buruzagi militar ohiarentzat, 2009an Guardia Zibilak Burgosen duen kuartelaren kontrako erasoa agindu izana leporatuta.
ETAk lehergailuz betetako furgoneta bat zartarazi zuen eta 160 pertsona zauritu ziren.
Akusazio partikularra osatzen duten Terrorismoaren Biktimen Elkarteak, Guardia Zibilen Elkarte Bateratzaileak eta atentatuan zauritutako batzuek zigor bera eskatu dute Mikel Karrerarentzat. Defentsako abokatuak, berriz, absoluzioa galdegin du.
Akusatuak uko egin dio deklaratzeari. Epaiketan Iñigo Zapirain eta Beatriz Etxebarria ETAko kide ohiak ere deitu dituzte deklaratzera; 3.860 urteko espetxealdia ezarri zieten biei, eraso hura burutu izana egotzita.
Zapirainek eta Etxebarriak ukatu egin dute Mikel Karrera ezagutzen dutela, eta gogora ekarri dute Guardia Zibilak torturatu egin zituztelako esan zutela Mikel Karrerak eman zuela atentatua egiteko agindua. Ildo horretan, Etxebarriak azpimarratu du guardia zibilek bortxatu egin zutela.
Frantzian, Mikel Karrerari bi aldiz ezarri diote bizi osorako kartzela-zigorra, alde batetik, Capbretonen bi guardia zibil hiltzea egotzita eta, besetik, Jean-Serge Nerin jendarmea hiltzea leporatuta.
Burgoseko atentatuagatik Auzitegi Nazionalean hasi duten epaiketa amaitzean, Frantziara eramango dute berriro Mikel Karrera.
Epaiketa Parisen
Bestalde, Pariseko Zigor-arloko Auzitegia Oier Gomez eta Itziar Moreno ETAko ustezko kideen kontrako epaiketa hasi da gaur.
2011ko apirilean atxilotuak izan aurretik lau jendarmeri tiro egin izana eta horietako bat zauritu izana leporatzen diete.
Epailearen galderak erantzuteari uko egin diete biek.
Zure interesekoa izan daiteke
Begoña Gomez epaitzea erabaki du Peinado epaileak eta pasaportea kendu dio
Espainiako Gobernurko presidentearen emazteak ustez egin izango lituzkeen delituak ikertzen ari da epailea eta ahozko epaiketa aurreko fasean hartu ditu kautelazko neurriak. Espainiatik ateratzea debekatu dio eta hamabosetan behin epaitegian agertu beharko du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.