PSOEko diputatu gehienen ustez hauteskundeak dira aukerarik txarrena
PSOEk Kongresuan duen taldeak bilera egin du astearte honetan, eta kideetako gehiengoaren ustez hirugarren hauteskundeak dira aukerarik txarrena, alderdi sozialistako iturriek jakitera eman dutenez.
Hau izan da bileran hitza hartu duten diputatuen gehiengoak defendatu duena. Zehazki, 26 diputatuk hitz egin dute bileran, eta horietatik hiruk bakarrik plazaratu dute batzorde kudeatzailearen iritziaren kontrakoa jarrera.
Hitza hartu dutenen artean inork ez du 'abstentzioa' hitza esplizituki aipatu, baina diputatu askoren hitzek aukera hori utzi dute agerian, Europa Pressek aipatzen dituen iturrien arabera.
''Perifrasi askorekin esan daiteke, baina abstentzioa defendatu dute'', esan du Sanchezen aldeko diputatu batek. Horixe berau baieztatu du bilera bukatuta Adriana Lastra ordezkari asturiarrak ere. ''Modu irekian'' ez dute abstentzioa eskatu, baina hori interpretatu du berak, Lastaren hitzen arabera.
Madinak eserleku utzi dio Sanchezi
Gaurkoan, PSOEren taldeak eserlekuen berrantolaketa egin du Diputatuen Kongresuan, eta, hasieran, bosgarren errenkadara eraman dute Pedro Sanchez. Hala ere, Eduardo Madinak uko egin dio Sanchezen aurretik esertzeari, eta laugarren errenkadako tokia utzi dio.
Orain arte Sanchezena zen eserlekuan Antonio Hernando bozeramailea eseriko da aurrerantzean.
Pedro Sanchezen eserleku berria, laugarren errenkadan. EFE
Javier Fernandez: 'Ezin dugu baztertu militanteei hitza ematea'
Javier Fernandez PSOEren zatiketaren ostean osatutako batzorde kudeatzailearen presidenteak nabarmendu duenez, ezin daiteke baztertu Rajoyren inbestidurari begira militanteei hitza ematea, "eurak dira-eta alderdian agintzen dutenak".
Erabakia, dena dela, Batzorde Federalaren esku egongo da. Inbestiduran zein jarrera hartu bere kasa erabaki edota militanteen gehiengo batek babestutako aukeraren alde egitea erabaki lezake, Fernandezen hitzetan.
"Abstenitu egingo garela ziurtzat ematen ari zarete, baina nik ez dut hori uste. Erabakia batzordeak har lezake, subiranotasunez, edo alderdiaren oinarriek", esan du Fernandezek Cadena Ser irrati katean.
Asturiasko presidentearen aburuz, bi aukera ditu PSOEk: PPren gobernua ahalbideratu, bera izan baita alderdirik bozkatuena, edo hirugarren hauteskunde batzuk egin.
"Konponbide txarrak dira biak, baina PSOEk erabaki behar du zein den Espainiarentzat eta PSOErentzat hain txarra ez dena", azaldu du.
Horren esanetan, oraindik ez dakite noiz osatuko den Batzorde Exekutiboa, baina "Rajoyk sozialistekin duen jarrera gorabehera" izango da.
era" izango da. era" izango da. era" izango da.Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.