Mariano Rajoyk ez du presidente izateko gehiengo absolutua lortu
Mariano Rajoyk ez zuen lortu atzo, ostegunean, Kongresuko gehiengo absolutuaren babesa inbestidurako lehen bozketan eta, ondorioz, ez dute Espainiako Gobernuko presidente izendatu.
Rajoyk 170 aldeko boto jaso zituen; PP, Ciudadanos, Coalicion Canaria, UPN eta Foro Asturias taldeetako ordezkariek bozkatu zuten haren alde. Gainerako alderdietako 180 diputatuek, berriz, kontrako botoa eman zuten.
Aurreikusita zegoen moduan, lehen bozketa galdu zuen Rajoyk eta bigarren saiakeran, gehiengo sinplearekin eta Alderdi Sozialistaren abstentzioari esker, izendatuko dute Espainiako Gobernuko presidente.
Inbestidura saioaren bigarren bozketa larunbatean izango da, lehendabiziko bozketatik 48 ordu igarotzen direnean, Konstituzioak eta Kongresuko araudiak zehaztu bezala.
Horrenbestez, eta Ana Pastor Diputatuen Kongresuko presidenteak deituta, larunbateko saioa 18:30ean hasiko da eta bigarren bozketa ez da 19:45 baino lehen izango.
Mariano Rajoy presidentegaiak 10 minutuko hitzartzea izango du larunbateko saioan; gainerako taldeetako bozeramaileek, berriz, bosna minutu izango dituzte, alderdi handienetik txikienera hasita.
Atzo bezala, botoa banaka eta ahoz eman beharko dute diputatuek.
Larunbatean Mariano Rajoy Espainiako Gobernuko presidente izendatuko dutela ziurtzat ematen da, PSOEk erabakita eta esana baitauka bigarren bozketan abstenitu egingo dela.
Baina badira argitu gabeko bi zalantza: batetik, zenbat diputatu sozialistak bozkatuko duten Rajoyren kontra, alderdiaren agindua hautsita; eta bestetik, Pedro Sanchez PSOEko idazkari nagusi ohia Kongresuan izango den ala ez, eta han baldin badago, zer bozkatuko duen.
(Pedro Sanchez inbestidura saioan. Argazkia: EFE)
Podemosek Ganbera utzi du
Bestalde, inbestidura eztabaidaren amaieran polemika piztu zen. Rafael Hernando PPko bozeramaileak "Espainiaren izena diktadoreen zerbitzura" jartzeko erabili izana leporatu zion Pablo Iglesiasi.
Hernandori erantzuteko baimena eskatu zuen Iglesiasek, baina Ana Pastor Kongresuko presidenteak aukera hori ukatu egin zion eta Podemoseko diputatuek, protesta gisa, Ganberatik joatea erabaki zuten.
Bere hitzartzean bukaeran, Rafael Hernandok gogor egin zuen Iglesiasen kontra: "Iglesias jauna, Espainiaren izena erabili duzu Venezuela eta Iran bezalako erregimenen eta diktadoreen zerbitzura jartzeko", adierazi zuen.
Iglesias erantzuten saiatu zen, baina Pastorrek ez zion utzi, eta Hernando atzera egiteko eskatu zion, baina honek ez zuen horrelakorik egin. Alderantziz, ondokoa erantsi zuen: "Jaun-andreok, lau milioi dolar, eskerrik asko".
Horrenbestez, oso haserre eta "lotsagarria" dela esanez, Iglesiasek eta Podemoseko gainerako diputatuek Kongresutik alde egin zuten. Hala ere, minutu batzuk geroago bueltatu egin ziren, bozketan parte hartu ahal izateko.
u ahal izateko.Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.