Urkullu eta Barkos ez dira Konstituzio egunaren ospakizunetan izan
Iñigo Urkullu lehendakariak eta Uxue Barkos Nafarroako Gobernuko presidenteak ez dute Espainiako Gobernuak Konstituzioaren 38. urteurrenaren harira Diputatuen Kongresuan antolatu dituen ospakizunetan parte hartu. Carles Puigdemont Kataluniako presidentea ere ez da bertan izan, ezta Podemos eta IU alderdietako idazkari nagusiak ere (Pablo Iglesias eta Alberto Garzon, hurrenez hurren) edota PNV, EH Bildu, ERC edota PDECAt alderdietako kideak.
Erkidegoetako presidente gehienek uko egin diote Madrilgo harrera joateari; bost besterik ez dira izan Madrilen: Cristina Cifuentes (Madril), Alberto Nuñez Feijoo (Galizia), Guillermo Fernandez Vara (Extremadura), Emiliano Garcia-Page (Gaztela-Mantxa) eta Javier Fernandez (Asturias).
Aitzitik, bertaratu direnen artean Mariano Rajoy Espainiako presidentea izan da, eta zuhur agertu da Konstituzioa aldatzeko aukeraren aurrean. Ez dela "arinkerietan" aritzeko unea ohartarazi du, ezta "ateraldietarako" ere.
Javier Fernandez PSOEko talde-kudeatzaileko buruak azaldu du bere alderdiak “adostasuna” bilatuko duela Konstituzioa aldatzeko asmoz Kongresuan azpibatzorde bat sortzeko proposamena aurkeztu aurretik.
Pablo Echenique Podemoseko organizazio idazkariak eguneraketaren alde daudela berretsi du. Egungo testua “abiapuntutzat” jo du, eta salatu egin du 1978ko Konstituzioari eusten diotenek hura egunero urratzen dutela.
Bere aldetik, Albert Riverak Kongresuan ordezkaritza duten beste alderdi politikoei “ausartak” eta “arduratsuak” izan daitezela eskatu die, Konstituzioa modernizatzeko beharrezkoa den adostasuna bilatzen hasteko, baina baztertu egin du eztabaida horretan “espainiar guztien arteko berdintasuna” mintzagai izatea.
Katalunian eta Euskadin hainbat udaletxe zabalik
Katalunian, gutxienez 300 udaletxetako alkate eta zinegotziak lan egitera joan dira astearte honetan, Konstituzioarekiko errefusa adierazteko asmoz.
PDECAT, ERC, CUP eta Demòcrates de Catalunya alderdietako hautetsiak dira euren lanpostuetara joan direnak Badalonako Udalean urriaren 12an izandako polemikaren ostean. Egun horretan Badalonako Udalak bere ateak ireki zituen Bartzelonako epaitegi batek debekatu arren. Epailearen autoa apurtu ostean, zenbait zinegotzi udaletxera sartu ziren hiritarrei zerbitzua eskaintzeko.
Euskadin ere zenbait udalek euren ateak zabaldu dituzte, besteak beste, Ondarroakoak eta Markinakoak Bizkaian eta Laudiokoak Araban. Izan ere, EH Bilduko kargu publiko gehienek ezer ospatu ez eta lanera joatea erabaki dute, gauza bera egin dute ELA, LAB eta STEEILAS sindikatuetako langileek ere.
langileek ere. langileek ere.Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.