Rajoy: 'Ez dugu Espainia hautsiko duen galdeketarik egitea baimenduko'
Mariano Rajoy Espainiako Gobernuko presidenteak gaur ziurtatu duenaren arabera, ez dauka "salerosketan" aritzeko asmorik "Konstituzioaren gainetik igarotzen den, Espainia hautsi eta subiranotasun nazionala deuseztatuko duen prozesu sezesionista baten gainean".
"Inork ezin diezaguke eskatu arbitrariotasun horren konplizeak izatea, eta ez dugu egingo", azpimarratu du PPren buruak bere alderdiko XVIII. biltzarra itxi duen mintzaldian. Burugabekeriatzat jo du Kataluniako prozesua, eta, ohartarazi duenez, "ez dugu Espainia hautsiko duen galdeketarik egitea baimenduko".
Bere hitzetan, "prozesu sezesionista bat ez da lorezain batek egindako inausketa atsegin bat, baizik eta anputazio ikaragarri eta mingarri bat, inongo zirujauak konpon ezin dezakeena".
Rajoyren aburuz, inork ezin diezaioke eskatu Gobernuari, are gutxiago arduradun politiko batek, Konstituzioa eta legea bete ez ditzala, horixe izango bailitzateke, bere esanetan, Katalunia Espainiatik bereiztea.
Alabaina, onartu egin du Konstituzioa aldatu egin daitekeela, espainiar guztiek hala erabakitzen badute, baina ez duela halakorik gomendatzen onartu du, "batera bananduta baino hobe egoten delako".
"Hori behin argi utzita, garbi dago hitz egiteko prest gaudela, hitz egitea garrantzitsua delako, eta ez da inoiz eserlekua hutsik utzi behar", adierazi du.
Horrenbestez, "baiezko borobila" agertu dio elkarrizketari, "baina inposatzerik, bakarrizketarik, atxikimendu kontraturik, eta noski, legea urratu gabe".
Bestalde, "espainiar sentitzen diren Kataluniako herritar gehiengoari" erreferentzia egin die, eta azaldu die Espainiako Gobernua eta PP "oso hurbil" sentitzen direla eurengandik eta inoiz ez dituztela bakarrik utziko.
"Euren fede onean engainatuak izan diren" katalanei ere zuzendu zaie. Bere aburuz, "posible ez dena eskaini diete", independentziaren "amua" jarri diete gaitz guztien konponbide gisa eta "ezkutatu egin diete Espainiarekin hausteak ekarriko lituzkeen ondorio politiko, ekonomiko eta sozialak".
Akordioak eskatu dizkio oposizioari
Bestalde, Rajoyk oposizioko alderdiei eskatu die akordioetara iristeko joera izan dezaten, bere iritziz hori ez baita "Gobernuari mesedeak saltzea, baizik eta espainiarren beharrizanei erantzuteko eta gobernagarritasuna bideragarri egiteko hitzartzea".
Nabarmendu du hilabete askotan egon den ziurgabetasunaren ostean garrantzitsuena dela "Gobernuak gobernatu ahal dezala".
Zure interesekoa izan daiteke
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.