Altsasuko gazte baten auzipetzea baliogabetu du Auzitegi Nazionalak
Altsasuko gazte baten auzipetzea baliogabetu du astearte honetan Auzitegi Nazionalak. Joan den urriaren 15ean bi guardia zibilek eta haien bikotekideen kontrako erasoan parte hartzea leporatu zieten hainbat gazteri.
Auzitegi Nazionaleko laugarren zigor aretoak emandako epai baten bidez, gainontzeko gazteen aurkako akusazioa berretsi du. Dena dela, Aritz Urdangarin Canoren auzipetzea baliogabe uztea erabaki du, urriaren 15ean izandako jarrerak ez baitu terrorismo deliturik suposatzen.
Auzitegi Nazionalak azaldu duenez, bere jokabidea ezin da eraso terroristatzat hartu, eta, ondorioz, gazte horren aurkako akusazioa kentzea erabaki du. Alabaina, erabaki horrek ez du esan nahi beste delitu bat ezin zaionik leporatu.
Gauzak horrela, Angela Murillok, Teresa Palaciosek eta Carmen Paloma Gonzalezek osatzen duten epaimahaiak Jokin Unamuno, Iñaki Abad eta Ainara Urquijoren auzipetzea berretsi du.
Laugarren zigor aretoaren esanetan, frogatuta dago lehenengo bi gazteek guardia zibilei eraso egin zietela. Hirugarrenak, berriz, mehatxu egin eta alde egiteko exijitu ziela azpimarratu du Auzitegi Nazionalak. Ondorengoa esan omen zien bi guardia zibilei: “Bueltatzeko asmorik baduzue hauxe da jasoko duzuen erantzuna”.
Epaileen arabera, esaldi horrek ez du terrorismo deliturik suposatzen, baina, kasu honetan, Guardia Zibila “zirikatzeko” asmoz erabili zela ziurtatu dute.
Carmen Lamela auzi horretako instrukzio epaileak bederatzi gazte auzipetu zituen bi guardia zibilei eta haien bikotekideei eraso egitea leporatuta. Hiru gazte espetxean jarraitzen dute, atentatu, gorroto eta lesio delituengatik. Otsailean, Oihan Arranz, Julen Goikoetxea eta Jon Ander Cob terrorismo delituagatik auzipetzea berretsi zuen Auzitegi Nazionalak.
Zure interesekoa izan daiteke
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.