13 hilabeteko gaitasungabetzea Homsi, desobedientzia egotzita
A9ko galdeketarengatik abiatutako auzian, urtebete eta hilabeteko gaitasungabetzea ezarri dio Auzitegi Gorenak Francesc Homs Kataluniako Presidentetza kontseilari ohi eta PDeCAT alderdiko diputatuari. Gaitasungabetzeaz gain, 30.000 euroko isuna ezarri dio Gorenak.
Auzitegi Konstituzionalak ezarritako debekuari entzungor egin, eta desobedientzia delitu batez errudun jo du epaimahaiak. Prebarikazio delituaz absolbitu egin du, ordea.
Kataluniako Justizia Auzitegi Nagusiak Artur Mas Generalitateko presidente ohiari gertaera berarengatik ezarritako zigorra baino txikiagoa jarri dio Gorenak Homsi, baina ildo bera jarraitu du: desobedientzia delituagatik zigortu du eta prebarikazio delituagatik, berriz, absolbitu.
Manuel Marchena Salako presidenteak irakurri du epaia, eta desobedientzia delituak prebarikazio delitua xurgatzen duela arrazoitu du.
Ondorioz, urtebete eta hilabeteko epean ezingo du kargu publikorik eduki eta ezta estatu, autonomia edo udal mailako gobernuetan kargurik izan. Homsek babes helegitea aurkeztuko du Auzitegi Konstituzionalean. Epaia irmoa denean, Gorenak Ana Pastor Espainiako Diputatuen Kongresuko presidenteari igorriko dio Homsen gaitasungabetzea gauzatu dezan.
"Gure ideingatik zigortu gaituzte"
Epaia gorabehera, Homsek ziurtatu egin du Kongresuan jardunean jarraituko duela "bota arte", eta aurreratu du helegitea aurkeztuko duela Auzitegi Konstituzionalean eta, bitartean, zigorra aplikazioa bertan behera eskatuko diola Gorenari.
Homsek agerraldia egin du PDeCATen egoitzan, A9ko hautestontzi bat ondoan dutela, Artur Mas Kataluniako presidente ohi eta Irene Rigau kontseilari ohiarekin batera.
Politikari katalanak adierazi duenez, "hanka-sartzea ez ezik, Estatu espainiarraren porrotaren erakusle ere da epaia". Prozesuaren "intentsitate eta babes zabalaren" aurrean, erantzuna "zigorra eta politikariak baztertzea" izan da.
Hala, azpimarratu duenaren arabera, "epai politikoa izan da demofobia duen Estatu baten mesedetan egindakoa". Homsek dio agerikoa dela auzitegiari asmoa "igartzen zaiola".
"Gure ideiengatik zigortu gaituzte, ez dagokio zuzenbide Estatu bati, ezta Estatu demokratiko bati ere", erantsi du.
Zure interesekoa izan daiteke
Arabako Aldundiak ez du suhiltzailerik bidaliko Madrilera, bere lurraldean sute-arriskua dagoela eta
Astelehenean Espainiako Gobernuak baliabide gehiago eskatu zituen suteei aurre egiteko, eta EAEko hiru hiriburuetako udalek, Gipuzkoako Foru Aldundiarekin batera, bat egingo dute Bizkaiak Madrilen zabaldutako dispositiboan. Bitartean, hiru aldundiek partekatzen duten helikopteroak Euskadin jarraituko du.
Espainiako selekzioaren finalean Polizia Nazionala "bere eginkizunen gainetik" aritu izana salatu du Zupiriak
Munduko Txapelketaren finalean izandako istiluetan Polizia Nazionalak Bilbon egindako bi atxiloketak kritikatu ditu Eusko Jaurlaritzako Segurtasun sailburuak, Ertzaintzaren eskumena dela iritzita.
Sanchez: "Zer gehiago gertatu behar da larrialdi klimatikoaren aurkako ituna babesteko?"
Pedro Sanchez Espainiako Gobernuko presidenteak ohartarazi du "larrialdi klimatikoak hil" egiten duela eta berriro eskatu du Larrialdi Klimatikoaren eta "negazionismoaren" aurkako Estatu Ituna hitzartzea. Sanchezek gogorarazi du 2026an suteek 170.000 hektarea baino gehiago kiskali dituztela Espainian, iaz baino sei aldiz gehiago. Gainera, suteek dagoeneko hamar hildako inguru eragin dituztela adierazi du, abuztua eta iraila, arrisku handieneko hilabeteetako bi, oraindik aurretik direla.
Aitor Landa eta Alfonso Garaikoetxea, Ertzaintzaren zuzendari eta buru berriak
Landa goi-mailako teknikaria da Nekazaritzan, eta 36 urteko esperientzia du babes zibilaren arloan. Garaikoetxeak 41 urte daramatza Ertzaintzan, eta azken 7 urteetan Herritarren Babeserako arloburu izan da.
Bizkaiko Auzitegiak artxibatu egin du Voxen ekitaldi batean Santurtzin izandako istiluengatik atxilotutako emakume baten aurkako auzia
Auzitegiak uste du atxilotutako emakumearen deklarazioa legez ezarritako epetik kanpo hartu zela, eta auzi penala artxibatzea erabaki du.
Bi atxilotu Bilbon, Munduko Txapelketako finalean Espainiako kamiseta jantzita zeraman gazte bati eraso egitea egotzita
Atxilotuei gorroto eta lesio delituak eta desordena publikoak eragitea egotzi diete. Ez da baztertzen atxiloketa gehiago egotea.
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ezin da oinordetzan hartu defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.