Frankismoaren biktimak gogoratu ditu Arabak
Frankismoak Araban utzitako biktima guztiak gogoratu dituzte gaur Azazetan. Ekitaldi berezia egin dute, herri horretan tropa frankistek 16 pertsona fusilatu zituztela 80 urte bete direnean.
Eusko Jaurlaritzako eta Arabako erakunde nagusienetako ordezkariak egon dira omenaldian, tartean, Iñigo Urkullu lehendakaria. Horren hitzetan, gaurko ekitaldian Frankismoaren biktimek demokraziarekin eta askatasunarekin zuten konpromisoa gogoratu nahi izan dute.
Azazetako mendatean fusilatuak bakarrik ez, Frankismoak lurrade honetan eragindako biktima guztiei egin nahi izan diete gorazarre Arabako Foru Aldundiak, Gasteizko Udalak eta Arabako Batzar Nagusiek. Ekitaldian egon dira, besteak beste, Ramiro gonzalez Arabako ahaldun nagusia, Pedro Elosegi Batzar Nagusietako presidentea eta Gorka Urtaran Gasteizko alkatea. Euskal alderdi nagusietako ordezkariak eta biktimen senitartekoak ere izan dira.
Monolito bat jarri dute Azazetako plazan, 1937ko sarraskian hildakoak gogoratzeko. Lehendakariak nabarmendu duenez, Gasteizko kartzelatik libre atera ziren 16 pertsona horiek, baina behin kanpoan falangistek atzeman zituzten, bi furgonetatan sartu eta Azazetara eraman zituzten, bertan fusilatzeko.
Biktima guztien memoria bizirik mantentzeko konpromisoa agertu du lehendakariak, haien baloreekin bat eginez: "elkarbizitza, giza eskubideak, demokrazia eta askatasuna", aipatu ditu. "Denak leialtasun eta kompromiso bera partekatzen zuten, demokrazia eta askatasuna. Demokrazia leial defendatzeak eta estatu kolpeari aurre egiteak elkartzen zituen", esan du.
1937ko apirilaren 1ean izan ziren Azazetako hilketak, Mola general frankistak aginduta.
Hil zituztenen artean Gasteizko alkatea zena zegoen, Teodoro Gonzalez de Zarate. Hildako besteak ondorengoak ziren: Jose Luis Abaitua Perez, Victor Alejandre Angulo, Casimiro Cerrajeria Zarranz, Eduardo Cobo Gonzalez, Manuel Collel Aguila, Jaime Conca Amoros, Jose Domingo Elorza San Vicente, Jesus Estrada Abalos, Juan Francisco Diaz de Arcaya Lopez de Aberasturi, Antonio Garcia Bengoetxea, Daniel Garca de Albeniz Azazeta, Francisco Garrido Saez de Ugarte, Constantino Gonzalez Santamaria, Prisco Hernaez Arrizola eta Manuel Hernandez Ibañez de Garayo.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.