‘Bakearen artisauek’ mobilizazioa antolatu dute Parisen abenduaren 16rako
Bakearen artisauek “mobilizazio handi bat” antolatu dute Parisen abenduaren 16rako. Gainera, biktimei laguntzeko helburu duen lantalde bat sortuko dutela iragarri dute.
ETAk armak entregatu eta armagabetzea burutu zenetik hilabete baino gehiago igaro ondoren, bitartekariek bake prozesuarekin jarraitzeko egitasmo berriak aurkeztu dituzte astearte honetan Luhusoko udaletxean.
Abenduaren 16rako, elkarretaratzea antolatu dute Parisen, ‘Luhusuko taldea’ osatzen zuten kideak atxilotu eta urtebetera, dispertsioarekin eta euskal presoei gaur egun ezartzen zaizkien “salbuespen neurriekin” amaitzea eskatzeko.
“Beste urrats bat”
Mixel Berhokoirigoin bakearen artisauen bozeramaileak eta Anaiz Funosas Babe Bideko buruak egindako agerraldian, ETAren armagabetzea bake prozesuan aurrera egiteko beste urrats bat zela nabarmendu dute; ez etapa baten amaiera.
Prozesu hori desblokeatzeko eta aurrera egiteko, bi ekimen antolatu dituzte. Batetik, biktimei laguntzea helburu duen lantalde bat sortuko dute, eta, bestetik, “mobilizazio handia” egingo dute abenduaren 16an Parisen.
Biktimak
Abenduaren 16an Parisen izango den ekitaldi horretaz gain, biktima guztiei buruzko batzordea ere osatuko dute gai hori sakontzeko. “Ezinezkoa da bake prozesu honetan bizikidetza ardatz izatea biktimak ez badira kontuan hartzen eta ez bada gai horretan sakontzen. Eta 'biktimak' esaten dudanean 'biktima guztiak' esan nahi dut”, ziurtatu du Berhokoirigoinek.
Bestalde, Parisko eragile eta erakundeekin harremanetan jarraitzen dutela esan du bakearen artisauen bozeramaileak, eta Fronte Nazionala ez beste gainerako alderdi politiko guztiekin hitz egin dutela esan du.
>Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.